ആറ്റിങ്ങൽ : തോന്നയ്‌ക്കൽ സായിഗ്രാമത്തിൽ സത്യസായി ബാബയുടെ ജന്മദിനാഘോഷത്തോടനുബന്ധിച്ച് നടക്കുന്ന 108 മണിക്കൂർ സായി സംഗീതോത്സവം ഗായിക കെ.എസ്. ചിത്ര ഉദ്ഘാടനം ചെയ്‌തു. ട്രസ്റ്റ് ചെയർപേഴ്സൺ ജസ്റ്റിസ് എ. ലക്ഷ്മിക്കുട്ടി അദ്ധ്യക്ഷത വഹിച്ചു. ട്രസ്റ്റ് ഫൗണ്ടർ ആൻഡ് എക്‌സിക്യൂട്ടിവ് ഡയറക്ടർ കെ.എൻ. ആനന്ദകുമാർ, ട്രസ്റ്റ് സീനിയർ വൈസ് ചെയർമാൻ കെ. ഗോപകുമാരൻ നായർ, ഇളമ്പ ഉണ്ണിക്കൃഷ്ണൻ, മഞ്ചു പ്രദീപ്, സന്ധ്യ സുജയ്, സിന്ധുകുമാരി, വൈക്കം വേണുഗോപാൽ, ആനന്ദ് ശിവറാം, നീലകണ്ഠൻ, ഡോ. വി. വിജയൻ, ഇ.എസ്. അശോക് കുമാർ, സി.കെ. രവി, ബി. ജയചന്ദ്രൻ നായർ എന്നിവർ പങ്കെടുത്തു.