തിരുവനന്തപുരം: കേന്ദ്ര സർക്കാരിന്റെ അടൽ പെൻഷൻ യോജനയിൽ കേരളത്തിൽ നിന്ന് 2.76 ലക്ഷം പേർ ചേർന്നു. ഇന്ത്യയൊട്ടാകെ 1.24 കോടി പേരാണ് പദ്ധതിയിൽ ചേർന്നത്. ഒ​ക്ടോ​ബർ 27 വ​രെ​യു​ള്ള ക​ണക്ക​നു​സ​രിച്ച് കേ​ര​ള​ത്തിൽ​ നിന്ന് 2,76,115 പേ​ർ പ​ദ്ധ​തി​യിൽ​ ചേർ​ന്നു. ഇ​തിൽ 1,51,103 വ​നി​ത​കളും 1,24,961 പു​രു​ഷൻ​മാ​രു​മാ​ണ്. 2018- 19 സാ​മ്പത്തി​ക വർ​ഷ​ത്തിൽ 27 ല​ക്ഷ​ത്തിൽ​ക്കൂ​ടു​തൽ പുതി​യ വ​രി​ക്കാ​രാണ് പ​ദ്ധ​തി​യിൽ ചേർ​ന്നത്. ഉ​ത്തർപ്രദേശ്, ബീ​ഹാർ, ആന്ധ്രപ്രദേശ്, മ​ഹാ​രാഷ്ട്ര, കർ​ണാ​ട​ക എ​ന്നീ സം​സ്ഥാ​ന​ങ്ങ​ളിൽ​ നി​ന്നാണ് കൂ​ടു​തൽ പേരും പ​ദ്ധ​തി​യിൽ ചേർ​ന്ന​ത്.

18നും 40 നും ഇ​ട​യിൽ പ്രാ​യ​മു​ള്ള ഏ​തൊ​രു ഇ​ന്ത്യൻ പൗ​രനും ത​ങ്ങൾ​ക്ക് സേ​വിം​ഗ്‌​സ് അ​ക്കൗ​ണ്ടുള്ള ബാങ്ക്, പോ​സ്റ്ര് ഓ​ഫീ​സ് ശാഖകൾ വ​ഴി അ​ടൽ പെൻ​ഷൻ പ​ദ്ധ​തി​യിൽ ചേ​രാം. അ​സം​ഘ​ടി​ത മേ​ഖ​ല​യി​ലെ തൊ​ഴി​ലാ​ളിക​ളെ ഉ​ദ്ദേ​ശി​ച്ചാ​ണ് പദ്ധ​തി ന​ട​പ്പി​ലാ​ക്കു​ന്നത്. പ​ദ്ധ​തി​യിൽ അം​ഗമാ​യ വ​രി​ക്കാ​രൻ നൽ​കു​ന്ന വിഹി​ത​ത്തി​ന്റെ 50 ശ​ത​മാ​നമോ അ​ല്ലെ​ങ്കിൽ 1000 രൂ​പയോ ഏ​താണോ കുറ​വ് അത്രയും തു​ക സർക്കാരും നി​ക്ഷേ​പി​ക്കും. മ​​റ്റു സാ​മൂഹി​ക സുര​ക്ഷാ പ​ദ്ധ​തി​ക​ളൊ​ന്നിലും ഭാ​ഗ​മാ​കാ​ത്ത​വർക്കും നി​ല​വിൽ ആ​ദാ​യ​നി​കു​തി​യു​ടെ പ​രി​ധി​യിൽ വ​രാ​ത്ത​വ​രു​ടെയും വി​ഹി​ത​മാ​ണ് സർക്കാർ അ​ട​യ്ക്കുക. ഈ പ​ദ്ധ​തി​യിൽ ചേ​രു​ന്ന​വർ​ക്ക് കു​റ​ഞ്ഞ പെൻ​ഷനും സർക്കാർ ഉറ​പ്പു നൽ​കും. 60 വയസു ക​ഴി​ഞ്ഞാൽ പെൻ​ഷൻ ലഭിക്കും.