തിരുവനന്തപുരം: സ്ത്രീകൾ മാത്രമല്ല ആണുങ്ങളും ശബരിമലയിൽ പോകരുതെന്നാണ് തന്റെ വ്യക്തിപരമായ അഭിപ്രായമെന്ന് പ്രമുഖ കവയിത്രി സുഗതകുമാരി പറഞ്ഞു. ശബരിമല പ്രശ്നത്തിൽ മുഖ്യമന്ത്രി വിവിധാഭിപ്രായക്കാരുമായി ചർച്ച നടത്തി സമവായം ഉണ്ടാക്കുകയാണ് വേണ്ടതെന്നും അവർ പറഞ്ഞു.

ശബരിമലയിൽ ചോര വീഴരുതെന്ന് മാത്രമല്ല,​ ഭക്തിപൂർവം സംരക്ഷിക്കുകയാണ് വേണ്ടത്. സുപ്രീം കോടതി വിധിയെ നിസാരമായി അവഗണിക്കാനാകില്ല. രാഷ്ട്രീയ വടംവലിയുടെ വേദിയല്ല ശബരിമല. പമ്പയുടേയും ശബരിമലയുടേയും വാഹകശേഷി തകർന്നു കൊണ്ടിരിക്കുകയാണ്. ഭക്തിയുടെ പേരിൽ ആ വനസ്ഥലിയെ കൂടുതൽ നശിപ്പിക്കരുതെന്നും സുഗതകുമാരി അഭ്യർത്ഥിച്ചു.