തിരുവനന്തപുരം: മോഷണ ശ്രമത്തിന് കോഴിക്കോട് മെഡിക്കൽ കോളേജ് പൊലീസ് അറസ്റ്റു ചെയ്ത തമിഴ്‌നാട് സ്വദേശി വിശ്വനാഥൻ കസ്റ്റഡിയിലിരിക്കെ ആശുപത്രിയിൽ മരിച്ച സംഭവത്തിൽ അന്വേഷണം വേണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. സ്റ്റേഷനിൽ ഇയാൾ മർദ്ദനത്തിന് ഇരയായെന്ന സംശയമുണ്ട്. തലച്ചോറിലെ രക്തസ്രാവമാണ് മരണകാരണമെന്നാണ് ഡോക്ടർമാർ പറയുന്നത്. അതിനാൽ ഉത്തരവാദികളായ പൊലീസ് ഉദ്യോഗസ്ഥരെ മാറ്റി നിറുത്തി സമഗ്ര അന്വേഷണം നടത്തണമെന്നും അദ്ദേഹം പറഞ്ഞു.