തിരുവനന്തപുരം: അടുത്തമാസം ആലപ്പുഴയിൽ നടക്കുന്ന 59-ാമത് സംസ്ഥാന സ്‌കൂൾ കലോത്സവത്തിന് വിദ്യാർത്ഥികൾ, അദ്ധ്യാപകർ, പൊതുജനങ്ങൾ എന്നിവരിൽ നിന്നു പൊതുവിദ്യാഭ്യാസ വകുപ്പ് ലോഗോ ക്ഷണിച്ചു. കലയുമായി ബന്ധപ്പെട്ട പ്രതീകങ്ങൾ ഉൾപ്പെടുത്തിയാകണം ലോഗോ തയ്യാറാക്കേണ്ടത്. കേരള സ്‌കൂൾ കലോത്സവം 2018, ഡിസംബർ ഏഴ്, എട്ട്, ഒൻപത് ആലപ്പുഴ എന്നുള്ള രേഖപ്പെടുത്തലുകൾ ഉണ്ടാകണം. ആലപ്പുഴ ജില്ലയുടേതായ പ്രതീകം അനുയോജ്യമായ രീതിയിൽ ഉൾപ്പെടുത്താം. എഡിറ്റ് ചെയ്യാൻ കഴിയുന്ന തരത്തിലെ ഫോർമാറ്റിൽ സി.ഡിയും ഒപ്പം എ-4 സൈസ് പേപ്പറിൽ കളർ പ്രിന്റും നൽകണം. ലോഗോകൾ ഈ മാസം 10ന് വൈകിട്ട് 5ന് മുമ്പ് ജെ.സി. ജോസഫ്, അഡിഷണൽ ഡയറക്ടർ ഒഫ് പബ്ലിക് ഇൻസ്ട്രക്‌ഷൻ (ജനറൽ), പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി, തിരുവനന്തപുരം-695014 എന്ന വിലാസത്തിൽ ലഭിക്കണം