തിരുവനന്തപുരം: മുടവൻമുഗളിൽ സ്കൂട്ടറിൽ കാറിടിച്ച് യുവതി മരിച്ചു. മകൾക്ക് പരിക്ക്. പൂജപ്പുര തൃക്കണ്ണാപുരം ടാഗോർ റോഡിൽ പുണർതം വീട്ടിൽ സജുവിന്റെ ഭാര്യ പത്മപ്രിയയാണ് (39)മരിച്ചത്. ഒപ്പമുണ്ടായിരുന്ന മകൾ ഗാഥയെ (14) കരമന പി.ആർ.എസ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി 8മണിയോടെ മുടവൻ മുകളിലായിരുന്നു സംഭവം.

മങ്കോട്ട് കടവ് വിശ്വപ്രകാശം സ്കൂൾ അദ്ധ്യാപികയായ പത്മപ്രിയ സ്കൂളിൽ നിന്ന് വന്നശേഷം ബന്ധുവീട്ടിലായിരുന്ന മകളെ കൂട്ടിക്കൊണ്ടുവരുമ്പോഴായിരുന്നു അപകടം. കാറിടിച്ച് പരിക്കേറ്റ ഇരുവരെയും ഉടൻ കരമന പി.ആ‌ർ.എസ് ആശുപത്രിയിലെത്തിച്ചെങ്കിലും പത്മപ്രിയ പുല‌ർച്ചെ ഒരുമണിയോടെ മരണപ്പെടുകയായിരുന്നു.പഴവങ്ങാടി ഗണപതി ക്ഷേത്രത്തിലെ ജീവനക്കാരനാണ് ഭർത്താവ് സജു. പൂജപ്പുര പൊലീസ് കേസെടുത്തു.