ടെക്സാസ്: ഒരേദിവസം അമ്മയ്ക്കും മകൾക്കും രണ്ട് പിഞ്ചോമനകൾ പിറന്നു. അതും ഒരേ ആശുപത്രിയിൽ. ജോർജിയ സ്വദേശികളായ അമാൻഡ സ്റ്റീഫനും മകൾ ഹേലി ബക്സ്റ്റണുമാണ് ഒരേദിവസം പ്രസവിച്ച് വാർത്തകളിലെ താരമായത്. 40കാരിയായ അമാൻഡയ്ക്ക് ആൺകുഞ്ഞും 20കാരിയായ മകൾ ഹേലിയ്ക്ക് പെൺകുഞ്ഞുമാണ് ജനിച്ചത്.

ടെക്സാസിലുള്ള താനെർ മെഡിക്കൽ സെന്ററിലായിരുന്നു ഇരുവരുടെയും പ്രസവം. ഇരുവരുടെയും സുഖപ്രസവമായിരുന്നെന്നും ഇത് അപൂർവ സന്തോഷമാണെന്നും കുറിച്ചുകൊണ്ട് ആശുപത്രി അധികൃതർ തന്നെയാണ് ഇക്കാര്യം പുറത്തുവിട്ടത്.