തിരുവനന്തപുരം: ശബരിമലയിൽ യുവതികളെ എങ്ങനെയെങ്കിലും പ്രവേശിപ്പിക്കണമെന്ന വാശി സർക്കാരിനില്ലെന്ന് മന്ത്രി കടകംപള്ളി സുരേന്ദ്രൻ ഫേസ്ബുക്ക് പോസ്റ്രിൽ വ്യക്തമാക്കി.

സർവ്വകക്ഷി യോഗത്തിൽ മുഖ്യമന്ത്രി ഇക്കാര്യം അർത്ഥശങ്കയ്ക്ക് ഇടയില്ലാതെ വ്യക്തമാക്കിയിട്ടുണ്ട്. യുവതികളെ ശബരിമലയിലേക്ക് കൊണ്ടുപോകാൻ സർക്കാരോ എൽ.ഡി.എഫോ ഒന്നും ചെയ്തിട്ടില്ല. തൃപ്തിദേശായിയെപ്പോലുള്ളവരുടെ പിന്നിൽ ആരാണെന്ന് പകൽപോലെ വ്യക്തമാണ്.

സുപ്രീംകോടതി വിധിക്കെതിരെ സർക്കാരിന് നിലപാടെടുക്കാൻ ആവില്ലെന്ന കാര്യം എല്ലാവർക്കും അറിയാം. പ്രശ്നങ്ങൾ ഒഴിവാക്കി ക്രമീകരണമുണ്ടാക്കാൻ വേണ്ട കാര്യങ്ങൾ ദേവസ്വംബോർഡ് ആലോചിക്കും.