തിരുവനന്തപുരം : പ്രസ് ക്ലബ് ഇൻസ്​റ്റി​റ്റ്യൂട്ട് ഒഫ് ജേർണലിസത്തിന് മികച്ച ജേർണലിസം ഇൻസ്​റ്റി​റ്റ്യൂട്ടിനുള്ള ഇൻഡിവുഡ് ദേശീയ പുരസ്​കാരം. ഇന്ന് ഹൈദരാബാദിൽ ഹൈടെക് സിറ്രിയിൽ നടക്കുന്ന ഇൻഡിവുഡ് ഫിലിം കാർണിവലിനോടനുബന്ധിച്ച് പുരസ്​കാരം വിതരണം ചെയ്യും. തിരുവനന്തപുരം പ്രസ് ക്ലബ് സെക്രട്ടറി എം. രാധാകൃഷ്ണൻ പുരസ്​കാരം ഏ​റ്റുവാങ്ങും.

ഇന്നു മുതൽ ഡിസംബ‌ർ 5 വരെ നടക്കുന്ന ഇൻഡിവുഡ് ഫിലിം കാർണിവലിനോടനുബന്ധിച്ച് സിനിമ ശില്പശാലകൾ, സെമിനാറുകൾ, പ്രദർശനങ്ങൾ, സിനിമ വ്യവസായം, നിക്ഷേപക സംഗമം, യുവകലാപ്രതിഭകൾക്ക് അവസരമൊരുക്കുന്ന ടാലന്റ് ഹണ്ട്, ഫാഷൻ ഷോകൾ, ഇൻഡിവുഡ് അക്കാഡമി പുരസ്​കാരങ്ങൾ, പ്രവാസി രത്ന പുരസ്​കാരം, ഗോൾഡൻ ഫ്രെയിം പുരസ്​കാരം, സാംസ്​കാരിക ചടങ്ങുകൾ തുടങ്ങി 20ലധികം പരിപാടികളും സംഘടിപ്പിക്കുന്നുണ്ട്.

5 ദിവസങ്ങളിലായി നടക്കുന്ന ഇൻഡിവുഡ് ഫിലിം കാർണിവലിൽ 100 രാഷ്ട്രങ്ങളിൽ നിന്നുള്ള പ്രതിനിധികളടക്കം ഒരു ലക്ഷത്തോളം പേർ പങ്കെടുക്കും. ഫിലിം കാർണിവലിനോടനുബന്ധിച്ച് ഇൻഡിവുഡ് ഫിലിം മാർക്ക​റ്റ് സംഘടിപ്പിക്കുന്ന പ്രദർശനവുമുണ്ടാകും.