ചെന്നൈ: ഇന്നലെ റിലീസ് ചെയ്‌ത ബിഗ്ബഡ്‌ജറ്റ് രജനീകാന്ത് ചിത്രം 2.0യുടെ എച്ച്. ഡി ക്വാളിറ്റിയിലുള്ള വ്യാജ പതിപ്പ് റിലീസിന് പിന്നാലെ ഇന്റർനെറ്റിൽ. റിലീസ് ദിവസം തന്നെ ചിത്രം വെബ്‌സൈറ്റിൽ അപ്‌ലോഡ് ചെയ്യുമെന്ന് വെല്ലുവിളിച്ച തമിഴ് റോക്കേഴ്സാണ് ഇതിന് പിന്നിൽ. ചിത്രം അപ്‌ലോഡ് ചെയ്‌ത് മിനിട്ടുകൾക്കുള്ളിൽ തന്നെ രണ്ടായിരത്തോളം പേർ ഡൗൺലോഡ് ചെയ്‌തിട്ടുണ്ട്. ഓൺലൈൻ പൈറസി തടയാൻ വലിയ തോതിലുള്ള ഒരുക്കങ്ങൾ ചിത്രത്തിന്റെ അണിയറ പ്രവർത്തകർ നടത്തിയിരുന്നു. വ്യാജ പതിപ്പുകൾ അപ്‌ലോഡ് ചെയ്‌ത സൈറ്റുകളുടെ വിവരവുമായി അണിയറ പ്രവർത്തകർ മദ്രാസ് ഹൈക്കോടതിയെ സമീപിച്ചതായും വിവരമുണ്ട്. അടുത്തിടെ പുറത്തിറങ്ങിയ വിജയ് ചിത്രം സർക്കാരിന്റെ വ്യാജ പതിപ്പും റിലീസിന്റന്ന് തമിഴ് റോക്കേഴ്സ് പുറത്തുവിട്ടിരുന്നു.