മാന്നാർ: പ്രളയ ദുരിതബാധിതർക്കു പ്രഖ്യാപിച്ച വാഗ്ദാനങ്ങളെങ്കിലും പ്രവർത്തികമാക്കാൻ സർക്കാർ തയ്യാറാകണമെന്ന് മുൻ മുഖ്യമന്ത്രി ഉമ്മൻ ചാണ്ടി ആവശ്യപ്പെട്ടു. പ്രളയ ദുരിതാശ്വാസവുമായി ബന്ധപ്പെട്ട് കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ നടക്കുന്ന രണ്ടാംഘട്ട സമരത്തിന്റെ സംസ്ഥാനതല ഉദ്ഘാടനം പാണ്ടനാട്ട് നിർവഹിക്കുകയായിരുന്നു അദ്ദേഹം. മിത്രമഠം കവലയിൽ നടന്ന രാപ്പകൽ സമരത്തിൽ പ്രസിഡന്റ് കെ.ബി.യശോധരൻ അദ്ധ്യക്ഷത വഹിച്ചു. കെ.പി.സി.സി. വർക്കിംഗ് പ്രസിഡന്റ് കൊടിക്കുന്നിൽ സുരേഷ്, എ.ഐ.സി.സി സെക്രട്ടറി പി.സി. വിഷ്ണുനാഥ്, മാന്നാർ അബ്ദുൾ ലത്തീഫ്, ഡി.വിജയകുമാർ, എബി കുര്യാക്കോസ്, കറ്റാനം ഷാജി, കെ. തങ്ങൾകുഞ്ഞ്, ജോജി ചെറിയാൻ, കറ്റാനം ഷാജി, എൻ.രവി, സോജി മെഴുവേലി, ഹരി പാണ്ടനാട്, സണ്ണി കോവിലകം, എ.ആർ.വരദരാജൻ നായർ, തോമസ് ചാക്കോ, രാധേഷ് കണ്ണന്നൂർ, ശിവൻകുട്ടി ഐലാരത്തിൽ, സണ്ണി പുഞ്ചമണ്ണിൽ, ജയ്സൺ ചാക്കോ, ജോജി, ഫിലോമിന, ഹാൻസി മാത്യു ,ആനന്ദവല്ലിയമ്മ, മനോജ് സി.ശേഖർ, പ്രദീപ്, തുടങ്ങിയവർ സംസാരിച്ചു.