കൊച്ചി : മകരവിളക്ക് കാലത്ത് ശബരിമലയിൽ ദർശനം നടത്താൻ ജാമ്യ വ്യവസ്ഥയിൽ ഇളവു തേടി ബി.ജെ.പി സംസ്ഥാന ജനറൽ സെക്രട്ടറി കെ. സുരേന്ദ്രൻ നൽകിയ ഹർജിയിൽ ഹൈക്കോടതി സർക്കാരിന്റെ നിലപാട് തേടി. ഹർജി തിങ്കളാഴ്ച പരിഗണിക്കും.

ദർശനത്തിനെത്തിയ 52 കാരിയെയും ബന്ധുവിനെയും ആക്രമിച്ച കേസിൽ സുരേന്ദ്രനെ പൊലീസ് അറസ്റ്റ് ചെയ്തിരുന്നു. കഴിഞ്ഞ ഡിസംബർ ഏഴിനാണ് ജാമ്യം അനുവദിച്ചത്. പത്തനംതിട്ട ജില്ലയിൽ പ്രവേശിക്കരുതെന്നതടക്കം കർശന വ്യവസ്ഥകളോടെയാണ് ജാമ്യം നൽകിയത്.