അങ്കമാലി :അങ്കമാലി നഗരസഭയും ബ്ലോക്ക് പഞ്ചായത്തും താലൂക്കാശുപത്രിയും സംയുക്തമായി ലോക പാലിയേറ്റീവ് ദിനം ആചരിച്ചു.സി.എസ്.എ ഓഡിറ്റോറിയത്തിൽ നടന്ന സാന്ത്വന പരിചരണദിനവും കുടുംബസംഗമവും നഗരസഭ ചെയർപേഴ്സൺ എം.എ. ഗ്രേസി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് പി.ടി.പോൾ അദ്ധ്യക്ഷത വഹിച്ചു.നഗരസഭ വൈസ് ചെയർമാൻ സജി വർഗീസ്, സ്ഥിരം സമിതി അദ്ധ്യക്ഷരായ ലില്ലി വർഗീസ്, ഷോബി ജോർജ് നഗരസഭ കൗൺസിലർമാരായ റീത്താ പോൾ, കെ.കെ.സലി, ഷെൽസി ജിൻസൻ, ടി. വൈ. ഏല്യാസ്, ലീല സദാനന്ദൻ, ബിനു.ബി.അയ്യമ്പിള്ളി, കെ.ആർ.സുബ്രൻ, ഡോ: അലക്സ് വർഗീസ്, ഡോ. പി.ജി. ശ്രീലത , ഡോ. നസീമ നജീബ് , ഡോ: കെ.സി. അനുപ്രീത എന്നിവർ പ്രസംഗിച്ചു. ദിനാചരണത്തിൽ പങ്കെടുത്ത എല്ലാ അംഗങ്ങൾക്കും പുതപ്പും ഫ്ലാസ്കും വിതരണം ചെയ്തു.