ആലുവ: സംസ്ഥാന സർക്കാരിന്റെ തൊഴിലാളി , ജനദ്രോഹ വിരുദ്ധ നടപടികൾക്കെതിരെ ബി.എം.എസ് എടത്തല പഞ്ചായത്തിൽ പദയാത്ര നടത്തി. പഞ്ചായത്ത് കമ്മിറ്റി പ്രസിഡന്റ് എം.കെ. മണി നയിച്ച പദയാത്രയുടെ സമാപന സമ്മേളനം ജില്ലാ ട്രഷറർ കെ.എസ്. ശ്യാംജിത്ത് ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി പി.വി. വിജി, മേഖലാ പ്രസിഡന്റ് എം.പി. സിദ്ധാർത്ഥൻ, സെക്രട്ടറി അനിൽ അമ്പാട്ടുകാവ്, സന്തോഷ് പൈ, പി.കെ. കുഞ്ഞുമോൻ, എം.കെ. മണിയൻ എന്നിവർ സംസാരിച്ചു.