പീരുമേട്: മകരജ്യോതി തെളിയിക്കുന്നതിനുള്ള അവകാശം തിരികെ ലഭിക്കണമെന്ന ആവശ്യവുമായി മലയരയ മഹാസഭ പഞ്ചാലിമേട്ടിൽ ഇന്ന് പ്രതീകാത്മക ജ്യോതി തെളിക്കും. മകരജ്യോതി തെളിയിക്കുന്നതിനുള്ള അവകാശം ദേവസ്വം ബോർഡ് മലയരയരിൽ നിന്നും കവർന്നെടുക്കുകയായിരുന്നുവെന്നാണ് ഇവരുടെ ആരോപണം. ശബരിമലയിൽ നിലനിന്നിരുന്ന ഗോത്രാചാരങ്ങളും അനുഷ്ഠാനങ്ങളും ദേവസ്വം ബോർഡിന്റെ കടന്നുവരവോടു കൂടി ഹനിക്കപ്പെടുകയായിരുന്നുവെന്നും അവകാശങ്ങൾ തിരികെ ലഭിക്കുന്നതിന് സർക്കാരും
ദേവസ്വംബോർഡ് പ്രസിഡണ്ടുമായും ചർച്ച നടത്തിയെന്നും സഭസംസ്ഥാന പ്രസിഡന്റ് സി.കെ.ശശിധരൻ പറഞ്ഞു.സഭയുടെ ഗോത്രാചാര പാലന പ്രസ്ഥാനമായ ശിപം താന്ത്രിക പിഠം പ്രസിഡണ്ട് പ്രതികാത്മക ജ്യോതിതെളിക്കും. നൂറു കണക്കിന് സമുദായ അംഗങ്ങൾ ഈ പ്രതിക്ഷേധ പരിപാടിയിൽ പങ്കെടുക്കുമെന്നും ഭാരവാഹികൾ അറിയിച്ചു.