വഴിത്തല: വഴിത്തല എസ്.എൻ പുരം സുബ്രഹ്മണ്യസ്വാമി ക്ഷേത്രത്തിൽ മകര​- ഉത്ര മഹോത്സവത്തിന് ഇന്ന് തുടക്കമാകും. 25 ന് സമാപിക്കും. ക്ഷേത്രം തന്ത്രി ബ്രഹ്മശ്രീ അയ്യമ്പിള്ളി എൻ.ജി. സത്യപാലൻ തന്ത്രിയും ക്ഷേത്രം മേൽശാന്തി സി.ജി പ്രതീഷ് ശാന്തിയും ചടങ്ങുകൾക്ക് മുഖ്യ കാർമ്മികത്വം വഹിക്കും. ഇന്ന് രാവിലെ പള്ളിയുണർത്തൽ,​ നിർമ്മാല്യദർശനം,​ അഭിഷേകങ്ങൾ,​ 5.15 ന് മഹാഗണപതി ഹോമം,​ ആറിന് ഉഷപൂജ,​ ഗുരുപൂജ,​ ഒമ്പതിന് ബിംബശുദ്ധി,​ ധാര,​ പഞ്ചകം,​ കലശപൂജ,​ 10.30ന് കലശാഭിഷേകം,​ 12ന് ഉച്ചപൂജ,​ 12.30 ന് പ്രസാദ ഊട്ട്,​ വൈകിട്ട് 6.45 ന് ദീപാരാധന,​ ഏഴിനും എട്ടിനും മദ്ധ്യേ തൃക്കൊടിയേറ്റ്,​ തിരുമുമ്പിൽ പറവെയ്പ്പ്,​ അത്താഴപൂജ,​ 24 ന് രാവിലെ പതിവ് പൂജകൾ,​ 10.30 ന് കലശാഭിഷേകം,​ 12ന് ഉച്ചപൂജ,​ പ്രസാദഊട്ട്,​ വൈകിട്ട് 6.45 ന് ദീപാരാധന,​ 7.30ന് അത്താഴപൂജ,​ 7.45 ന് ഹിഡുംബൻ പൂജ,​ എട്ടിന് രവിവാര പാഠശാലയിലെ കുട്ടികൾ അവതരിപ്പിക്കുന്ന വിവിധ കലാപരിപാടികൾ നടക്കും. സമാപന ദിവസമായ 25ന് രാവിലെ പതിവ് പൂജകൾ,​ 10.30 ന് കലശാഭിഷേകം,​ രുദ്രാഭിഷേകം,​ 12ന് ഉച്ചപൂജ,​ 12.30ന് മഹാപ്രസാദ ഊട്ട്,​ വഴിപാട് സമർപ്പണം,​ വൈകിട്ട് 4.30 ന് വഴിത്തല ടൗണിലേക്ക് എഴുന്നള്ളത്ത്,​ ആറിന് വർണ്ണോജ്വല ഘോഷയാത്ര,​ 8.30ന് വിശേഷാൽ ദീപാരാധന,​ പുഷ്പാഭിഷേകം,​ 8.45 ന് കാവടി അഭിഷേകം,​ തിരുമുമ്പിൽ പറവയ്പ്പ്,​ ഒമ്പതിന് മഹാപ്രസാദ ഊട്ട്,​ 9.30 ന് സ്കോളർഷിപ്പ് വിതരണവും സമ്മാനദാനവും,​ 9.30 ന് കഥാപ്രസംഗം " കണ്ണകി" , കൊടിയിറക്ക്.