ഇടുക്കി: പട്ടികജാതി പട്ടിക ഗോത്ര വർഗ കമ്മിഷൻ 24ന് അഴുത ബ്ലോക്ക് പഞ്ചായത്ത് ഹാളിൽ അദാലത്ത് നടത്തും.

വികസന സമിതി യോഗം ഫെബ്രുവരി രണ്ടിന്

ഇടുക്കി: ജില്ലാ വികസന സമിതിയുടെ യോഗം ഫെബ്രുവരി രണ്ടിന് രാവിലെ 11ന് കളക്ടറേറ്റ് കോൺഫറൻസ് ഹാളിൽ ചേരും.

വെള്ളിയാമറ്റം ഒ.പി ക്ലിനിക്കിൽ നഴ്സ്: അപേക്ഷ ക്ഷണിച്ചു

ഇടുക്കി: ഇടുക്കി ഐ.ടി.ഡി.പി ഓഫീസിന്റെ കീഴിൽ വെള്ളിയാമറ്റം പഞ്ചായത്തിൽ വെള്ളക്കയത്ത് പ്രവർത്തിക്കുന്ന ഒ.പി ക്ലിനിക്കിൽ എ.എൻ.എം തസ്തികയിൽ ഒരു വർഷത്തേക്ക് കരാർ അടിസ്ഥാനത്തിൽ അപേക്ഷ ക്ഷണിച്ചു. യോഗ്യത ജനറൽ നഴ്സിംഗ്. വിദ്യാഭ്യാസ യോഗ്യത, ജാതി,​ വരുമാനം എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കണം. അവസാന തീയതി 30. വിവരങ്ങൾക്ക് ഫോൺ: 04862 222399.