ക​ണ്ണൂ​ർ​:​ ​കേ​ന്ദ്ര ​സ​ർ​ക്കാ​രി​ന്റെ​ ​തൊ​ഴി​ലാ​ളി​ ​വി​രു​ദ്ധ​ ന​യ​ങ്ങ​ളി​ൽ​ ​പ്ര​തി​ഷേ​ധി​ച്ച് ​സം​യു​ക്ത​ ​ട്രേ​ഡ് ​യൂ​ണി​യ​നു​ക​ൾ​ ​ആ​ഹ്വാ​നം​ ​ചെ​യ്ത​ 48​ ​മ​ണി​ക്കൂ​ർ​ ​പ​ണി​മു​ട​ക്കിന്റെ രണ്ടാംദിനവും ജില്ല നിശ്ചലം. ​ഇ​രു​ച​ക്ര​വാ​ഹ​ന​ങ്ങ​ൾ ഉൾപ്പെടെ സ്വകാര്യ​ ​വാ​ഹ​ന​ങ്ങ​ൾ കൂ‌ടുതലായി നിരത്തിലിറങ്ങിയെങ്കിലും കെ.​എ​സ്.​ആ​ർ.​ടി.​സി ​- സ്വകാര്യ ബസുകൾ ഉൾപ്പെടെ പൊതുഗതാഗത സംവിധാനങ്ങളാകെ നിശ്ചലമായിരുന്നു. വി​വി​ധ​ ​സ്റ്റേഷനുകളിൽ രണ്ടാംദിവസവും ട്രെ​യി​ൻ​ ​ത​ട​ഞ്ഞ​ത് ​സ​ർ​വീ​സി​നെ ബാ​ധി​ച്ചു.​ ​

ഇന്നലെ രാ​വി​ലെ​ 9.30ഓടെ ​ക​ണ്ണൂ​ർ​ ​റെ​യി​ൽ​വേ​ ​സ്റ്റേ​ഷ​നി​ൽ​ ​ചെ​ന്നൈ​- മം​ഗ​ലാ​പു​രം​ ​മെ​യി​ൽ​ ​സമരക്കാർ തടഞ്ഞു. കഴിഞ്ഞദിവസവും ഈ ട്രെയിനാണ് തടഞ്ഞിരുന്നത്. ​റെയിൽവേ സ്റ്റേഷനിൽ സമരക്കാരെ പൊലീസ് അറസ്റ്റുചെയ്തുനീക്കുകയായിരുന്നു.സമരം ഐ.​എ​ൻ.​ടി.​യു.​സി​ ​അ​ഖി​ലേ​ന്ത്യാ​ ​സെ​ക്ര​ട്ട​റി​ ​കെ.​ ​സു​രേ​ന്ദ്ര​ൻ ഉദ്ഘാടനം ചെയ്തു. സി.​ഐ.​ടി.​യു​ ​സം​സ്ഥാ​ന​ ​സെ​ക്ര​ട്ട​റി​ ​കെ.​പി.​ ​സ​ഹ​ദേ​വ​ൻ, എ.​ഐ.​ടി.​യു.​സി​ ​നേതാവ് സന്തോഷ് കുമാർ, അരക്കൻ ബാലൻ, കെ.​ ​ജ​യ​രാ​ജ​ൻ,​ ​എം.​ ​ഉ​ണ്ണി​കൃ​ഷ്ണ​ൻ, കെ. അശോകൻ​ ​തുടങ്ങിയവ​ർ​ ​നേ​തൃ​ത്വം​ ​ന​ൽ​കി.​ ​റെ​യി​ൽ​വേ​ സ്റ്റേ​ഷ​ൻ​ ​പ​രി​സ​ര​ത്ത് ​നി​ന്നും​ ​സം​യു​ക്ത​ ​ട്രേ​ഡ് ​യൂ​ണി​യ​ന്റെ​ ​നേ​തൃ​ത്വ​ത്തി​ൽ​ ​ആ​രം​ഭി​ച്ച​ ​പ്ര​ക​ട​നം​ ​തെ​ക്കി​ബ​സാ​റി​ൽ പൊതുയോഗത്തോടെ​ ​സ​മാ​പി​ച്ചു.​

നഗരത്തിൽ ചില കടകൾ തുറന്നുവെങ്കിലും തിരക്ക് നന്നേ കുറവായിരുന്നു. ഗ്രാമപ്രദേശങ്ങളിലും കടകൾ അടഞ്ഞുകിടന്നു. അത്യാവശ്യം ചരക്കുലോറികൾ ദേശീയപാത വഴി കടന്നുപോയി. കടകളും ഹോട്ടലുകളും മിക്കതും അടഞ്ഞുകിടന്നതോടെ രണ്ടാംദിവസവും കണ്ണൂരിൽ ഹർത്താൽ പ്രതീതിയായിരുന്നു. അപൂർവം ഹോട്ടലുകൾ തുറന്നത് അന്യസംസ്ഥാന തൊഴിലാളികൾ ഉൾപ്പെടെയുള്ളവർക്ക് ആശ്വാസമായി. സർക്കാർ സ്ഥാപനങ്ങളൊന്നും പ്രവർത്തിച്ചില്ല. വിദ്യാലയങ്ങളും അടഞ്ഞുകിടന്നു.

തലശ്ശേരി റെയിൽവേ സ്റ്റേഷനിൽ കണ്ണൂർ ഭാഗത്ത് നിന്നും 9.34 ന് എത്തിയ മംഗലാപുരം കോഴിക്കോട് പാസഞ്ചറാണ് രണ്ടാം നമ്പർ പ്ലാറ്റ് ഫോമിൽ നൂറോളം വരുന്ന സമരക്കാർ തടഞ്ഞിട്ടത്. ട്രെയിൻ ഏതാണ്ട് അര മണിക്കൂറോളം നിർത്തിയിടേണ്ടി വന്നു. സി.ഐ.ടി.യു നേതാവ് കെ. മനോഹരൻ സമരം ഉദ്ഘാടനം ചെയ്തു. എസ്.ടി.യു നേതാവ് പാലക്കൽ സഹീർ അദ്ധ്യക്ഷത വഹിച്ചു. എം.കെ. ഗോപി, ടി.പ്രസാദ്, പൊന്ന്യം കൃഷ്ണൻ, ഇ.വിജയൻ തുടങ്ങിയവർ സംസാരിച്ചു. ട്രെയിൻ തടഞ്ഞതിന് തിരിച്ചറിഞ്ഞ 6 നേതാക്കൾക്കും കണ്ടാലറിയാവുന്ന 94 പ്രവർത്തകർ ഉൾപെടെ 100 പേർക്കെതിരെ റെയിൽവേ പൊലീസ് കേസെടുത്തു. ടി.പി.ശ്രീധരൻ, വി.പി.സജീവൻ, എസ്.ടി.ജയ്‌സൺ, കെ.മോഹനൻ, കണ്ട്യൻ സജീവൻ നേതൃത്വം നൽകി.പണിമുടക്കിന്റെ ആദ്യദിവസവും തലശേരിയിൽ സമരക്കാർ ട്രെയിൻ തടഞ്ഞിരുന്നു. പയ്യന്നൂരിൽ തിരുവനന്തപുരം- മംഗലാപുരം മലബാർ എക്സ്പ്രസാണ് സമരക്കാർ തട‌ഞ്ഞത്. സംഭവത്തിൽ എട്ടുപേരെ അറസ്റ്റുചെയ്തു.