ബാലുശ്ശേരി: വാഹനാപകടത്തി​ൽ ബാലുശ്ശേരി ഗ്രാമപഞ്ചായത്ത് പ്രസിഡൻ്റ് രൂപലേഖ കൊമ്പിലാടി​ന് പരി​ക്ക്. റോഡിലേക്ക് മറിഞ്ഞ സ്കൂട്ടറി​ൽ നി​ന്ന് വീണ പ്രസിഡൻറി​ന്റെകൈക്ക് മുകളിലൂടെപി​ന്നാലെ വന്ന കാർ കയറുകയായി​രുന്നു.കൈ ഒടിഞ്ഞു.

ഇന്നലെ രാവിലെ 10.30 ന് ബാലുശ്ശേരി ബസ് സ്റ്റാൻഡി​ന് സമീപത്തു വെച്ചായിരുന്നു അപകടം. പഞ്ചായത്ത് ഓഫീസിലേക്ക് വരികയായിരുന്നു. മേപ്പയ്യൂരിൽ നിന്നും വിവാഹ പാർട്ടിയേയും കൊണ്ട് എസ്റ്റേറ്റ് മുക്കിലേക്ക് പോകുകയായിരുന്ന കാറാണ് വലതുകൈയിലൂടെ കയറിയത്. ബാലുശേരിയിലെ സ്വകാര്യ ആശുപത്രിയിൽ പ്രാഥമിക ചികിത്സ നല്കി. തുടർന്ന് കാരപ്പറമ്പിലെ സ്വകാര്യ ആശുപത്രിയിലേക്ക് മാറ്റി.