തലയോലപ്പറമ്പ് : എസ്.എൻ.ഡി.പി യോഗം 569ാം നമ്പർ ഇടവട്ടം ശാഖയിലെ ആർ.ശങ്കർ സ്മാരക കുടുംബയൂണിറ്റിന്റെ 14-ാമത് വാർഷിക പൊതുയോഗം സീനാ ഭവനിൽ സുചിന്ദ്രന്റെ വസതിയിൽ നടന്നു. വൈക്കം യൂണിയൻ കൗൺസിലർ പ്രസന്നൻ ഉദ്ഘാടനം ചെയ്തു. ശാഖാ പ്രസിഡന്റ് എം. എസ് രാധാകൃഷ്ണൻ അദ്ധ്യക്ഷത വഹിച്ചു. കുടുംബയൂണിറ്റ് കൺവീനർ വിജയമ്മ കണക്കും റിപ്പോർട്ടും അവതരിപ്പിച്ചു. ശാഖാ വൈസ് പ്രസിഡന്റ് ഭദ്രൻ കാർത്തിക, സെക്രട്ടറി എസ്. ബിജു, വനിതാസംഘം സെക്രട്ടറി ബി.ലീലാമണി തുടങ്ങിയർ പ്രസംഗിച്ചു. കുടുംബയൂണിറ്റ് ചെയർമാൻ രാജേന്ദ്രൻ സ്വാഗതം പറഞ്ഞു.