തലയോലപ്പറമ്പ് : പൊതി തൃക്കരായിക്കുളം മഹാദേവക്ഷേത്രത്തിലെ ഉത്സവത്തിന് ഇന്ന് കൊടിയേറും. കൊടിക്കയർ പൊതി മഹാവിഷ്ണു ക്ഷേത്രത്തിൽ നിന്നും താലപ്പൊലിയും വാദ്യമേളങ്ങളുടെയും അകമ്പടിയോടെ ഇന്നലെ വൈകിട്ട് ക്ഷേത്രത്തിൽ എത്തിച്ചു. ഇന്ന് രാവിലെ 9.30നും 10നും മദ്ധ്യേ തന്ത്രി മനയത്താറ്റ് മന ചന്ദ്രശേഖരൻ നമ്പൂതിരി, ദിനേശൻ നമ്പൂതിരി, ക്ഷേത്രം മേൽശാന്തി ചന്ദ്രശേഖരൻ നമ്പൂതിരി എന്നിവരുടെ മുഖ്യകാർമ്മികത്വത്തിലാണ് കൊടിയേറ്റ്. ഉച്ചയ്ക്ക് 12ന് പ്രസാദമൂട്ട്, വൈകിട്ട് 6.30ന് ദീപാരാധന, 6.45 ന് ദേവീയോഗീശ്വരപൂജ, നാളെ വൈകിട്ട് 7 ന് കരാക്കെ ഗാനമേള. 17ന് ഉച്ചയ്ക്ക് 12ന് ഉത്സവബലി, 12.30 ന് ഉത്സവബലിദർശനം, 18ന് വൈകിട്ട് 4.30ന് കാഴ്ചശ്രീബലി.19ന് ഉച്ചയ്ക്ക് 12.30ന് തിരുവാതിര ഊട്ട്, വൈകിട്ട് 4ന് കൊടിയിറക്ക്, 6ന് ആറാട്ട്, 8ന് ആറാട്ട് എതിരേല്പ്, 9ന് ആറാട്ട് വിളക്ക്, 11ന് ഇറക്കി എഴുന്നള്ളിപ്പ്‌