കൊച്ചി: സാമ്പത്തികവും സാമൂഹികവുമായി പിന്നാക്കം നിൽക്കുന്ന വിഭാഗങ്ങൾക്കായി കനറാ ബാങ്ക് നടത്തുന്ന സൗജന്യ കമ്പ്യൂട്ടർ പരിശീലന പരിപാടിക്ക് തുടക്കമായി. കനറാ ബാങ്ക് ഇൻസ്‌റ്രിറ്റ്യൂട്ട് ഒഫ് ഇൻഫർമേഷൻ (സി.ബി.ഐ.ഐ.ടി) ടെക്‌നോളജി നടത്തുന്ന 94, 95 ബാച്ചിന്റെ ഉദ്ഘാടനം കനറാ ബാങ്ക് സർക്കിൾ ഓഫീസിൽ നടന്ന ചടങ്ങിൽ ഐ.ബി. സതീഷ് എം.എൽ.എ നിർവഹിച്ചു.

കനറാ ബാങ്ക് ജനറൽ മാനേജർ ജി.കെ. മായ, ഡെപ്യൂട്ടി ജനറൽ മാനേജർ എസ്. സന്തോഷ് കുമാർ, ഇൻസ്‌റ്റിറ്ര്യൂട്ട് ഡയറക്‌ടർ എസ്. മഹാദേവൻ എന്നിവർ സംസാരിച്ചു. 2001ലാണ് സി.ബി.ഐ.ഐ.ടി പരിശീലന പരിപാടി ആരംഭിച്ചത്. ഇതിനകം 4,200 പേർ പരിശീലനം നേടി.