കൊച്ചി: പ്രമുഖ റീട്ടെയിൽ ഗ്രൂപ്പായ അജ്‌മൽ ബിസ്‌മി ഷോറൂമുകളിൽ ന്യൂ ഇയർ ജാക്ക്‌പോട്ട് സെയിലിന് നാളെ തുടക്കമാകും. ജനുവരി ഏഴുവരെ നീളുന്ന സെയിലിൽ ആകർഷകമായ ഓഫറുകളും 50 ശതമാനം വരെ ഡിസ്‌കൗണ്ടും ലഭ്യമാണ്. പഴങ്ങൾ, പച്ചക്കറികൾ, നിത്യോപയോഗ സാധനങ്ങൾ തുടങ്ങിയവ ഹോൾസെയിൽ വിലയിലും കുറഞ്ഞ നിരക്കിൽ ലഭിക്കും. മൂവായിരത്തോളം ഉത്‌പന്നങ്ങൾക്ക് 50 ശതമാനം വരെ വിലക്കുറവുണ്ട്.
തിരഞ്ഞെടുത്ത ഉത്‌പന്നങ്ങൾക്ക് കോംബോ, ഒന്നിനൊന്ന് സൗജന്യം എന്നീ ഓഫറുകളുമുണ്ട്. മികച്ച വിലക്കുറവുള്ള ഇന്ത്യൻ-ഇമ്പോർട്ടഡ് ക്രോക്കറി ഉത്‌പന്നങ്ങളും സെയിലിന്റെ ആകർഷണമാണ്. ഇലക്‌ട്രോണിക്‌സ് വിഭാഗത്തിൽ എൽജി., സാംസംഗ്, പാനസോണിക്, വേൾപൂൾ തുടങ്ങിയവയുടെ ഏറ്റവും പുതിയ മോഡലുകൾ ഉൾപ്പെടെയുള്ള ഗൃഹോപകരണങ്ങൾ വിലക്കുറവും വിവിധ ഓഫറുകളോടെയും അണിനിരത്തിയിരിക്കുന്നു. കേടായതും പഴയതുമായ ടിവി, റഫ്രിജറേറ്റർ, മിക്‌സി, വാഷിംഗ്‌ മെഷീൻ തുടങ്ങിയവ മികച്ച വിലയ്ക്ക് എക്‌സ്‌ചേഞ്ച് ചെയ്‌ത് പുതിയത് വാങ്ങാം.
ബിസ്‌മിയിൽ നിന്ന് പർച്ചേസ് ചെയ്യുന്നതിലൂടെ ഉപഭോക്താക്കൾക്ക് ഒരു കിലോ സ്വർണം നേടാനും അവസരമുണ്ട്. ഗൃഹോപകരണങ്ങൾക്ക് പലിശരഹിത തവണ വ്യവസ്ഥകൾ, എക്‌സ്‌ചേഞ്ച് ഓഫറുകൾ, ഫിനാൻസ് പർച്ചേസുകൾക്ക് ഉറപ്പായ സമ്മാനങ്ങൾ എന്നിവയും ഒരുക്കിയിരിക്കുന്നു.