തിരുവനന്തപുരം: നാടുനശിച്ചാലും വിരോധമില്ല തന്റെ രാഷ്ട്രീയക്കളി നടത്തണമെന്ന് കരുതുന്ന കേരളം കണ്ട ക്രൂരനായ 'ജനദ്രോഹി മുഖ്യമന്ത്രി' എന്ന നിലയിലായിരിക്കും ഭാവിയിൽ ചരിത്രം പിണറായി വിജയനെ രേഖപ്പെടുത്തുകയെന്ന് കോൺഗ്രസ് നേതാവ് വി.എം.സുധീരൻ .

മുഖ്യമന്ത്രിയും ബി.ജെ.പിയും ചേർന്ന് സംസ്ഥാനത്തെ യുദ്ധക്കളമാക്കിയെന്ന് സിുധീരൻ പ്രസ്താവനയിൽ പറഞ്ഞു. മുഖ്യമന്ത്രിക്കെതിരെ കരിങ്കൊടിയുമായി പ്രതിഷേധിച്ച യൂത്ത് കോൺഗ്രസ് പ്രവർത്തകരെ മുഖ്യമന്ത്രിയുടെ പൈലറ്റ് വാഹനം ഇടിച്ചുവീഴ്ത്തിയത് അങ്ങേയറ്റം പ്രതിഷേധാർഹമാണ്.

ജനങ്ങളുടെ സമാധാനജീവിതം ഉറപ്പുവരുത്തേണ്ട മുഖ്യമന്ത്രി തന്നെയാണ് അരാജകമായ അവസ്ഥയിലേക്ക് സംസ്ഥാനത്തെ തള്ളിവിട്ടതെന്നും അദ്ദേഹം പറഞ്ഞു.