പ്രധാനമന്ത്രി നരേന്ദ്രമോദിക്ക് വോട്ട് അഭ്യർത്ഥിച്ച് കൊണ്ടുള്ള വിവാഹ ക്ഷണക്കത്ത് സോഷ്യൽ മീഡിയയിലൂടെ വെെറലാകുന്നു. വിവാഹത്തിന് വരുമ്പോൾ സമ്മാനം വേണ്ട,​ പകരം 2019 ലോക്‌സഭാ തിരഞ്ഞെടുപ്പിൽ നരേന്ദ്രമോദിക്ക് വോട്ട് നൽകിയാൽ മതിയെന്നാണ് വിവാഹക്കത്തിലെ അഭ്യർത്ഥന. ആ വോട്ടാണ് ഞങ്ങൾക്കുള്ള സമ്മാനമെന്നും കത്തിൽ കുറിക്കുന്നു. വധുവിന്റെ വീട്ടുകാരാണ് ഈ വ്യത്യസ്തമായ ക്ഷണക്കത്ത് തയ്യാറാക്കിയത്.

നരേന്ദ്രമോദിയുടെ ഭരണത്തിലെ വികസന നേട്ടങ്ങളെക്കുറിച്ചുള്ള വിവാഹ ക്ഷണക്കത്തും പുറത്തുവന്നിട്ടുണ്ട്. മോദി സർക്കാർ നടപ്പിലാക്കിയ പദ്ധതികൾ അതിൽ ഉ‍ൾപ്പെടുത്തിയിട്ടുണ്ട്. കൂടാതെ മംഗളൂരു സ്വദേശിയായ അരുൺ പ്രസാദ് പങ്കു വച്ച ക്ഷണക്കത്തും സോഷ്യൽ മീഡിയയിലൂടെ വെെറലായിരുന്നു. ഇതും മോദിക്ക് വോട്ട് ചെയ്യണമെന്ന് ആവശ്യപ്പെട്ടുകൊണ്ടുള്ള ക്ഷണക്കത്താണ്.

നരേന്ദ്രമോദി പ്രഖ്യാപിച്ച സ്വച്ച് ഭാരത് പദ്ധതിയുടെ മുദ്ര ഉപയോഗിച്ച് വിവാഹ ക്ഷണക്കത്തും മുമ്പ് പുറത്തിറങ്ങിയിരുന്നു.

ഇത് പ്രധാനമന്ത്രി തന്നെ ട്വിറ്ററിൽ പങ്കുവെച്ചിരുന്നു. ക്ഷണക്കത്ത് പോലുള്ള പ്രചാരണ മാർഗങ്ങൾ ആയുധമാക്കി തിരഞ്ഞെടുപ്പിനെ നേരിടാൻ ഒരുങ്ങുകയാണ് ബി.ജെപി.

@narendramodi Sir. With my wedding invitation card, I am trying to explains the lot of achievement, schemes by Modi Govt. & Urging all invitees get the use. Hand to hand helping them to get the max.benefit . I believe "We have to take care of Modi, Modi will take care of nation. pic.twitter.com/tZcgdX7uUw

— Bhushan Branson (@mf5245pd) January 3, 2019