പന്തളം : പ്രതി​ഷേ​ധ​ പ്രക​ട​ന​ത്തി​നിടെ കല്ലേ​റിൽ കൊല്ലപ്പെട്ട ശബ​രി​മല കർമ്മ​സ​മിതി പ്രവർത്ത​കൻ കുര​മ്പാല കുറ്റി​യിൽ ചന്ദ്ര​ൻ ഉ​ണ്ണി​ത്താന്റെ സംസ്‌കാരം വൻ ജനാ​വ​ലി​യുടെ സാന്നി​ദ്ധ്യ​ത്തിൽ വീട്ടു​വ​ള​പ്പിൽ നടത്തി. പോസ്റ്റ്മോർട്ട​ത്തിന് ശേഷം തിരു​വല്ല പുഷ്പ​ഗിരി ആശു​പ​ത്രി​യിൽ മോർച്ച​റി​യിൽ വച്ചി​രുന്ന മൃത​ദേഹം ഇന്നലെ രാവിലെ 9.30 ഓടെ ശബ​രി​മല കർമ്മ​സ​മി​തിയുടെയും ബി.ജെ.പിയുടെയും പ്രവർത്ത​കർ ഏറ്റു​വാങ്ങി നിര​വധി വാഹ​ന​ങ്ങ​ളുടെ അക​മ്പ​ടി​യോടെ പന്തളം പാട്ടു​പു​ര​ക്കാവ് ഭഗ​വതി ക്ഷേത്ര കാണി​ക്ക​വഞ്ചി ജംഗ്ഷ​നിൽ 11.30 ഓടെ എത്തി​ച്ചു. അവി​ടെ​നിന്നു കാൽനടയായി 12.30 ഓടെ വീട്ടിൽ കൊണ്ടു​വ​ന്നു പൊതു​ദർശ​ന​ത്തിന് വച്ചതിന് ശേഷം ഉച്ചകഴിഞ്ഞ് 2.30ന് സംസ്‌കാരം നടത്തി. ശബ​രി​മല കർമ്മ​സ​മിതി അദ്ധ്യക്ഷ കെ.​പി.​ ശ​ശി​ക​ല, ബി.​ഡി.​ജെ​.എസ് സംസ്ഥാന ജന​റൽ സെക്ര​ട്ടറി സുഭാഷ് വാസു, ബി.ജെ.പി ദേശീയ സമി​തി​യംഗം പി.​കെ.​ കൃഷ്ണ​ദാ​സ്, സംസ്ഥാന സെക്ര​ട്ടറി രാധാ​കൃ​ഷ്ണ​മേ​നോൻ, ജില്ലാ പ്രസിഡന്റ് അശോ​കൻ കുള​ന​ട, കേര​ള​ കോൺഗ്രസ് ചെയർമാൻ പി.​സി. തോമസ്, ഹിന്ദു​ഐ​ക്യ​വേദി സംസ്ഥാന സെക്ര​ട്ടറി അഡ്വ. കെ.​പി.​ ഹ​രി​ദാ​സ്, ബി.ജെ.പി മുൻ സംസ്ഥാന ജനറൽ സെക്രട്ടറി പി.​പി.​ മു​കു​ന്ദൻ, പന്തളം കൊട്ടാര നിർവാ​ഹ​കസംഘം പ്രസി​ഡന്റ് പി.​ജി.​ ശ​ശി​കു​മാ​ര​വർമ്മ, എൻ.​എ​സ്.​എ​സ് പന്തളം യൂണി​യൻ പ്രസി​ഡന്റ് പന്തളം ശിവൻകു​ട്ടി, രാഹുൽ ഈശ്വർ, കോൺഗ്രസ് നേതാക്കളായ പഴ​കുളം മധു, അഡ്വ. കെ. ​പ്ര​താ​പൻ, പഴ​കുളം ശിവ​ദാ​സൻ തുടങ്ങിയ നേതാക്കൾ സംസ്‌കാര ചട​ങ്ങിൽ പങ്കെ​ടു​ത്തു. സംഘർഷ സാദ്ധ്യത കണ​ക്കി​ലെ​ടുത്ത് വൻപൊ​ലീസ് സുര​ക്ഷ​യിലാണ് വിലാ​പ​യാ​ത്ര നടത്തിയത്.