മലയാളികൾ ഒരിക്കലെങ്കിലും കേട്ട അല്ലെങ്കിൽ മൂളിയ മറക്കാനൊക്കാത്ത മനോഹരമായ ഈരടികൾ. അനശ്വര നടൻ പ്രേംനസീറിന്റെ ഓർമ്മകൾ അറിഞ്ഞോ അറിയാതെയോ കടന്നുവരുന്ന കൗതുകമാർന്ന വരികൾ. ചിരിപ്പിക്കാൻ കൗതുകം നിറച്ചുകൊണ്ടു തങ്കഭസ്മകുറിയിട്ട തമ്പുരാട്ടി സിനിമ വരുന്നു. വിവാഹം ഭയക്കുന്ന ഒരു യുവാവിന്റെ കഥ പറയുന്നു സിനിമ. ഒപ്പം ഒരുസംഘം ചെറുപ്പക്കാരുടെ ഇതിന്മേലുള്ള ഇടപെടലുകളും അതുണ്ടാക്കുന്ന പുലിവാലുകളും പറയുന്ന ഈ ചിത്രം പൂർണമായും നർമ്മമുഹൂർത്തങ്ങളിലൂടെയാണ് അവതരിപ്പിക്കുന്നത്.
അർജുൻ,ഭഗത്,ബൈജു,സുധിർകരമന,ദേവികനമ്പ്യാർ, ആര്യ, സീമ.ജി.നായർ,കലാഭവൻ നവാസ്, മണികണ്ഠൻ, സൂരജ്,ഡോ.സജിമോൻ പാറയിൽ,നസീർ സംക്രാന്തി, മണികണ്ഠൻ, ചെമ്പിൽ അശോകൻ, ജഫാർ ഇടുക്കി, സിനോജ് തുടങ്ങിയവരാണ് തങ്കഭസ്മകുറിയിട്ട തമ്പുരാട്ടിയിൽ അഭിനയിച്ചിരിക്കുന്നത്. സ്പാറയിൽ ക്രീയേഷന്‌സിന്റെ ബാനറിൽ ഡോ. സജിമോൻ പാറയിൽ ആപ്പിൾ സിനിമയുമായി ചേർന്ന് നിർമ്മിച്ച് സുജൻ ആരോമൽ കഥ, തിരക്കഥ എഴുതിയാണ് തങ്കഭസ്മകുറിയിട്ട തമ്പുരാട്ടി സംവിധാനം ചെയ്തത്. ബാല മുരുഗൻ കാമറയും സോബിൻ കെ സോമൻ എഡിറ്റിങ്ങും നിർവഹിച്ചിരിക്കുന്നു.