സംവിധായകൻ മണിരത്നം ഒരുക്കുന്ന ചരിത്ര സിനിമ പൊന്നിയിൽ ശെൽവത്തിൽ അഭിനയിക്കാൻ കരാറൊപ്പിട്ട് ഐശ്വര്യ റായ്. രാവൺ എന്ന ചിത്രത്തിന് ശേഷം ഐശ്വര്യയും മണിരത്നവും ഒന്നിക്കുന്ന ചിത്രമാണിത്. എന്നാൽ ഇന്ത്യൻ സിനിമയുടെ ബിഗ് ബി അമിതാഭ് ബച്ചൻ ചിത്രത്തൽ ഉണ്ടെന്നാണ് പുതിയ വിവരം. ചിയാൻ വിക്രം നായകനാകുന്ന ചിത്രത്തിൽ ബോളിവുഡ് ഉൾപ്പെടെ മറ്റ് അന്യഭാഷയിലെ പ്രധാന താരങ്ങളും അഭിനയിക്കുന്നുണ്ട്.

'പൊന്നിയിൻ ശെൽവൻ' എന്ന കൽകി കൃഷ്ണമൂർത്തിയുടെ ചരിത്ര കഥയെ ആസ്പദമാക്കിയാണ് ചിത്രം ഒരുക്കുന്നത്. ചിത്രത്തിൽ വൻ താരനിരയാകും അണിനിരക്കുക. ചിയാൻ വിക്രമും,​ ദളപതി വിജയും ചിത്രത്തിന് വേണ്ടി ഒന്നിക്കും എന്നായിരുന്നു ആദ്യം പുറത്ത് വന്ന റിപ്പോർട്ടുകൾ. ഒപ്പം ഇന്ത്യയിലെ തന്നെ പല പ്രമുഖ താരങ്ങളും ചിത്രത്തിന്റെ ഭാഗമായി എത്തുമെന്നും റിപ്പോർട്ടുകൾ ഉണ്ടായിരുന്നു.

എന്നാൽ ഇപ്പോൾ ചിയാൻ വിക്രം,​ വിജയ് സേതുപതി,​ ചിമ്പു,​ ജയം രവി എന്നിവരാകും പൊന്നിയിൻ ശെൽവത്തിൽ മുഖ്യ കഥാപാത്രങ്ങളെ അവതരിപ്പിക്കുക. പതിനൊന്നാം നൂറ്റാണ്ടിലെ രാജചോഴൻ ഒന്നാമന്റെ കഥപറയുന്ന ചിത്രമാണ് പൊന്നിയിൽ ശെൽവൻ. വിക്രമും ഐശ്വര്യയും വീണ്ടും ഒരു മണിരത്നം ചിത്രത്തിലൂടെ ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്.

പൊങ്കലിന് ചിത്രത്തിനെ സംബന്ധിച്ച കൂടുതൽ വിവരങ്ങൾ ഔദ്യോഗികമായി പുറത്തു വിടും. എന്നാൽ ചിത്രത്തിൽ ബച്ചൻ അഭിനയിക്കാമോ എന്നതിനെ കുറിച്ച് കൂടുതൽ വിവരങ്ങൾ ലഭ്യമല്ല.

അഞ്ച് ഭാഗങ്ങളായാണ് കൽകിയുടെ പൊന്നിയിൻ ശെൽവം എന്ന പുസ്തകം ഇറക്കിയത്. സിനിയാകുമ്പോൾ മൂന്ന് ഭാഗങ്ങളായിട്ടാകും ചിത്രം വെള്ളിത്തിരയിൽ എത്തുക. ചരിത്ര സിനിമയായതിനാൽ ഒരുപാട് മുന്നൊരുക്കൾ ചിത്രത്തിന് ആവശ്യമാണ്. എല്ലാ താരങ്ങളുടെയും ഡേറ്റ് അനുസരിച്ചായിരിക്കും മറ്റ് കാര്യങ്ങൾ തീരുമാനിക്കുക. നിവലിൽ ഐശ്വര്യ റായ് അനുരാഗ് കശ്യപിന്റെ 'ഗുലാബ് ജമുൻ' എന്ന ചിത്രത്തിലാണ് അഭിനയിക്കുന്നത്. ചിത്രത്തിൽ അഭിഷേക് ബച്ചനാണ് നായകൻ.