ന്യൂഡൽഹി:നടൻ പ്രകാശ് രാജിന്റെ രാഷ്ട്രീയ പ്രവേശനത്തിന് പിന്തുണയുമായി ആം ആദ്മി പാർട്ടി നേതാവും ഡൽഹി മുഖ്യമന്ത്രിയുമായ അരവിന്ദ് കെജ്‌രിവാൾ. ലോക്‌സഭാ തിരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ച പ്രകാശ് രാജുമായി നടത്തിയ കൂടിക്കാഴ്ചയ്ക്കു ശേഷമായിരുന്നു കേജ്‌രിവാളിന്റെ പ്രസ്താവന.
പ്രകാശ് രാജിനെപ്പോലെയുള്ളവർ പാർലമെന്റിൽ ഉണ്ടാകണം. സ്വതന്ത്രനായി മത്സരിക്കാനുള്ള അദ്ദേഹത്തിന്റെ തീരുമാനം സ്വാഗതാർഹമാണ്. പ്രകാശ് രാജിനെ ആം ആദ്മി പാര്‍ട്ടി പിന്തുണയ്ക്കുമെന്നും സ്വതന്ത്രരും പ്രത്യേക പക്ഷംപിടിക്കാത്തവരും കൂടി പാർലമെന്റിൽ എത്തേണ്ടത് അത്യാവശ്യമാണെന്നും അദ്ദേഹം പറ‍ഞ്ഞു. .
ലോക്‌സഭാ തിരഞ്ഞെടുപ്പിൽ ബെംഗളൂരു സെൻട്രലിൽ നിന്ന് മത്സരിക്കുമെന്ന് പ്രകാശ് രാജ് പ്രഖ്യാപിച്ചിരുന്നു. പ്രധാനമന്ത്രി നരേന്ദ്രമോദിയുടെയും കേന്ദ്രസർക്കാരിന്റെയും കടുത്ത വിമർശകനാണ് പ്രകാശ് രാജ്.