കാശ്മീർ: ജമ്മു കാശ്മീരിൽ ഉണ്ടായ സ്പോടനത്തിൽ കരസേനാ മേജറും ജവാനും കൊല്ലപ്പെട്ടു. രണ്ട് സൈനികർക്ക് പരിക്കേറ്റു. മലയാളിയായ മേജർ എസ്.ജി നായരാണ് കൊല്ലപ്പെട്ടതെന്നാണ് സൂചന. രജൗരി ജില്ലയിലെ നൈഷേരയി സെക്ടറിലെ നിയന്ത്രണ രേഖയിലാണ് കുഴിബോംബ് (ഐ.ഇ.ഡി)​ സ്ഫോടനം നടന്നത്. നിയന്ത്രണ രേഖയിൽ പട്രോളിംഗ് നടത്തുകയായിരുന്ന സംഘത്തിലുണ്ടായിരുന്നവരാണ് കൊല്ലപ്പെട്ടത്. പരിക്കേറ്റവരിൽ ആർമി മേജറും ഉൾപ്പെടും. ഇവരെ ആശുപത്രിയിൽ പ്രവേശിപ്പിച്ചു.

അതിർത്തിയിൽ പട്രോളിംഗ് നടത്തുന്ന സൈനികരെ ലക്ഷ്യമിട്ട് തീവ്രവാദികൾ സ്ഥാപിച്ച ഉഗ്രശേഷിയുള്ള ഐ.ഇ.ഡികളാണ് പൊട്ടിത്തെറിച്ചത്. പട്രോളിംഗിനിടെ സൈനിക‍ർ അബദ്ധത്തിൽ ഇവയിൽ ചവിട്ടുകയായിരുന്നു.