പന്തളം : തിരുവാഭരണഘോഷയാത്രയിൽ പങ്കെടുക്കുന്നവരുടെ പട്ടികയിൽ മാറ്റം വരുത്തില്ലെന്ന് പന്തളം കൊട്ടാരം. ശബരിമലയിലെ അക്രമസംഭവങ്ങളുമായി ബന്ധപ്പെട്ട് കേസുള്ളവരെ ഒഴിവാക്കാനുള്ള നിർദ്ദേശം പൊലീസിൽ നിന്ന് കിട്ടിയിട്ടില്ലെന്നും കൊട്ടാരം പ്രതിനിധി അറിയിച്ചു.

തി​രു​വാ​ഭ​ര​ണ​ ​പേ​ട​ക​വും​ ​പ​ല്ല​ക്കും​ ​ചു​മ​ക്കു​ന്ന​വ​രെ​ ​പ​ന്ത​ളം​ ​കൊ​ട്ടാ​ര​മാ​ണ് ​നി​ശ്ച​യി​ക്കു​ക.​ ​ഇ​വ​രു​ടെ​ ​പ​ട്ടി​ക​യും​ ​പൊ​ലീ​സി​ന് ​ന​ൽ​ക​ണം.​ ​പൊലീസിന്റെ കത്ത് സംബന്ധിച്ച് ദേവസ്വം ബോർഡും കൊട്ടാരവും ചർച്ച നടത്തിയിരുന്നു. ​തി​രു​വാ​ഭ​ര​ണ​ ​പേ​ട​കം​ ​വ​ഹി​ക്കു​ന്ന​ 22​ അം​ഗ​ ​സം​ഘ​വും അ​നു​ഗ​മി​ക്കു​ന്ന​വ​രും ഉൾപ്പെടെ നൂറിൽ താഴെ ആൾക്കാരെയാണ് കൊണ്ടുപോകാൻ ഉദ്ദേശിക്കുന്നത്.​ ​ഇവരിൽ ​സ​മ​ര​ത്തി​ൽ​ ​സ​ജീ​വ​ ​പ​ങ്കാ​ളി​ത്തം​ ​വ​ഹി​ച്ച​വ​രും​ ​കേ​സു​ക​ളി​ൽ​ ​പ്ര​തി​ ​ചേ​ർ​ക്ക​പ്പെ​ട്ട​വ​രും​ ​ഉ​ള്ള​തി​നാ​ൽ​ ​പൊ​ലീ​സ് ​നി​ർ​ദേ​ശം​ ​പ്രാ​യോ​ഗി​ക​മ​ല്ലെ​ന്ന് ​പ​ന്ത​ളം​ ​കൊ​ട്ടാ​രം നേരത്തെ​ ​അ​റി​യി​ച്ചിരുന്നു.

നാമജപത്തിൽ പങ്കെടുത്തതിന് കേസുകൾ നേരിടുന്ന കാര്യം കൊട്ടാരത്തിന് പരിഗണിക്കേണ്ടതില്ല. അതിന്റെ പേരിൽ തിരുവാഭരണത്തെ അനുഗമിക്കുന്നത് ഒഴിവാക്കില്ല. തിരുവാഭരണത്തെ അനുഗമിക്കുന്നവരിൽ നിന്ന് സത്യവാങ്മൂലം എഴുതിവാങ്ങും. തിരുവാഭരണത്തെ അനുഗമിക്കുന്ന 40 പേരുടെ പട്ടിക പൊലീസിന് കൈമാറിയെന്നും പന്തളം കൊട്ടാരം വ്യക്തമാക്കി