ടെഹ്റാൻ: പത്തുവർഷത്തിലധികം പഴക്കമുള്ള ഇറാനിയൻ ബോയിംഗ് 707 സൈനിക വിമാനം തകർന്നുവീണ് 15 പേർ മരിച്ചു. ഫ്ലൈറ്റ് എൻജിനിയർ മാത്രമ രക്ഷപ്പെട്ടു. കിർഗിസ്ഥാൻ തലസ്ഥാനമായ ബിഷ്​കെക്കിൽ നിന്ന്​ മാംസവുമായി ഇറാനിലേക്ക് തിരിച്ച വിമാനമാണ് അപകടത്തിൽ പെട്ടത്. വിമാനം നിറുത്തുന്നതിനിടെ ​റൺവേയിൽ നിന്ന്​ തെന്നിമാറി സമീപത്തുള്ള കെട്ടിടത്തിൽ ഇടിക്കുകയായിരുന്നു. ടെഹ്​റാനിൽ നിന്ന്​ 40 കിലോമീറ്റർ അകലെ കരാജിലെ ഫാത്ത്​ വിമാനത്താവളത്തിൽ ടെഹ്​റാൻ പ്രാദേശിക സമയം രാവിലെ 8.30നാണ്​​ ദുരന്തമുണ്ടായത്​. പയാം അന്താരാഷ്​ട്ര വിമാനത്താവളത്തിൽ ഇറങ്ങേണ്ട വിമാനം മോശം കാലാവസ്​ഥയെ തുടർന്ന്​​ ഫാത്തിൽ ഇറങ്ങിയതെന്നാണ്​ സൂചന​. വിമാനം ആരുടെ ഉടമസ്​ഥതയിലാണെന്ന കാര്യത്തിൽ വ്യക്തതയായിട്ടില്ല. കിർഗിസ്​സ്ഥാന്റെ ഉടമസ്ഥതയിലാണെന്ന് ഇറാൻ സിവിൽ ഏവിയേഷൻ വിഭാഗം വക്താവ്​ പറയുന്നു. എന്നാൽ പ്രവർത്തിപ്പിക്കുന്നത്​ ഇറാ​​​ന്റെ പയാം എയർ ആണെന്ന്​ ഇറാൻ മാനസ്​ വിമാനത്താവള അധികൃതർ പ്രതികരിച്ചു.