ചണ്ഡീഗഡ്: കഴുതളെ കണ്ടാൽ തിരിഞ്ഞ് നടക്കാൻ വരട്ടെ. കഴുതയുടെ പാലിൽ നിർമ്മിച്ച സോപ്പാണ് ഇനി ഓർഗാനിക് വിപണിയിൽ താരമാകാൻ പോകുന്നത്. ശരീര സൗന്ദര്യം വർദ്ധിപ്പിക്കാൻ പുതിയ വഴികൾ തേടുന്നവർക്കായി കഴുത്തപ്പാൽ സോപ്പ് വിപണിയിലെത്തിച്ചിരിക്കുകയാണ് ചണ്ഡീഗഡിൽ നടക്കുന്ന 'വിമൻ ഒഫ് ഇന്ത്യ ഓർഗാനിക് ഫെസ്റ്രിവൽ." ഡൽഹി കേന്ദ്രമായി പ്രവർത്തിക്കുന്ന 'ഓർഗാനികോ" എന്ന സ്റ്രാർട്ടപ്പാണ് കഴുതപ്പാൽ സോപ്പിനു പിന്നിലെ ബുദ്ധികേന്ദ്രം. 2000 രൂപയാണ് ഒരു ലിറ്റർ കഴുതപ്പാലിന്റെ വില. അതുകൊണ്ടുതന്നെ 100 ഗ്രാം സോപ്പിന് 499 രൂപയാണ് വില. വില കൂടുതലെങ്കിലും ആവശ്യക്കാരേറെയാമ്. പ്രായം കുറച്ച് ചർമ്മത്തെ സംരക്ഷിക്കാൻ കഴിയുന്ന കഴുതപ്പാൽ സോപ്പിന് നിരവധി ഔഷധ ഗുണങ്ങളുണ്ടെന്നാണ് നിർമ്മാതാക്കൾ ആവശ്യപ്പെടുന്നത്. 2017ൽ സോളാപൂരിലാണ് സോപ്പ് ആദ്യമായി നി‌ർമ്മിച്ചത്. എന്നാൽ സോപ്പിന് ആവശ്യക്കാരെറെയും തമിഴ്നാട്, കർണാടക സംസ്ഥാനക്കാരാണ്. ഉടൻ കഴുതപ്പാൽ മോയിസ്ചറൈസറും ഫേസ്‌വാഷും വിപണിയിലെത്തിക്കുമെന്നും 'ഓർഗാനികോ" സ്റ്റാർട്ടപ് വ്യക്തമാക്കി.