തിരുവനന്തപുരം: ദേശീയ പണിമുടക്ക് ദിവസം സെക്രട്ടേറിയറ്റിനു സമീപം എസ്.ബി.ഐ ട്രഷറി ശാഖ ആക്രമിച്ച കേസിൽ 6 എൻ.ജി.ഒ യൂണിയൻ നേതാക്കൾ കീഴടങ്ങി. എൻ.ജി.ഒ യൂണിയൻ നേതാവ് സുരേഷ് ബാബു, സിവിൽ സപ്ലൈസ് ഉദ്യോഗസ്ഥനായ അനിൽകുമാർ, നികുതി വകുപ്പ് ഉദ്യോഗസ്ഥനായ അജയകുമാർ, ട്രഷറി ഡയറക്ടറേ​റ്റിലെ ശ്രീവത്സൻ, ആരോഗ്യ വകുപ്പ് ഉദ്യോഗസ്ഥനായ ബിജുരാജ്, വിനുകുമാർ,​സുരേഷ് എന്നിവരാണ് കീഴടങ്ങിയത്.

കീഴടങ്ങിയവരെല്ലാം എൻ.ജി.ഒ യൂണിയൻ ജില്ലാ നേതാക്കളാണ്. പൊതുമുതൽ നശീകരണം തടയൽ നിയമമനുസരിച്ച് രജിസ്റ്റർ ചെയ്ത കേസാണ് ഇവർക്ക് മേൽ ചുമത്തപ്പെട്ടത്.ശിക്ഷിക്കപ്പെട്ടാൽ ഇവരെ സർവീസിൽ നിന്ന് പിരിച്ചുവിടേണ്ടിവരും.