പാലക്കാട്: ഒലവക്കോട് റെയിൽവേ സ്‌റ്റേഷനു സമീപം റെയിൽപാളത്തിനരികിൽ ഉപേക്ഷിക്കപ്പെട്ട നിലയിൽ കാണപ്പെട്ട ബാഗിൽ മനുഷ്യന്റെ ശരീരഭാഗം. കുഞ്ഞിന്റേതെന്ന് തോന്നിക്കുന്ന കൈയുടെ ഭാഗമാണ് പുറത്തേക്ക് കാണുന്നത്. ഇന്നലെ വൈകീട്ടാണ് റെയിൽവേ മേൽപ്പാലത്തിനു താഴെയായി മാലിന്യങ്ങൾ തള്ളിയഭാഗത്ത് ഇത് കണ്ടെത്തിയത്. പ്ലാസ്റ്റിക് ബാഗിൽ നിറച്ച് ട്രാവൽ ബാഗിലാക്കിയാണ് ഉപേക്ഷിച്ചിരിക്കുന്നത്.

ഇൻക്വസ്റ്റ് നടപടികൾ പൂർത്തിയാക്കി ഇന്ന് രാവിലെ ബാഗ് തുറന്നാലെ കൂടുതൽ വ്യക്തത ലഭിക്കു. സ്ഥലത്ത് പോലീസ് കാവൽ ഏർപ്പെടുത്തി. ട്രാക്കിനരികിൽ കൊണ്ടുവന്നിട്ട നിലയിലാണ് ബാഗ് കിടന്നിരുന്നത്. റെയിൽവേ അധികൃതർ അറിയിച്ചതു പ്രകാരം ടൗൺ നോർത്ത് പോലീസും ജില്ലാ ക്രൈം സ്‌ക്വാഡ് അംഗങ്ങളും സ്ഥലത്തെത്തി പരിശോധന നടത്തി.