പത്തനംതിട്ട: പ്രമുഖ ഇസ്ലാം മത പണ്ഡിതനും വാഗ്മിയും ഗ്രന്ഥകാരനുമായ അബ്ദുൾ കരീം മൗലാന (74) നിര്യാതനായി. പത്തനംതിട്ട കുലശേഖരപതി കശ്ശാഫുൽ ഉലും അറബിക് കോളേജ് പ്രിൻസിപ്പലും തബ് ലീഗ് ജമാ അത്തിന്റെ കേരള അമീറുമാണ്. ആലുവ ഇടത്തല ജാമിയ കൗസരിയാഅറബിക് കോളേജിൽ നാൽപ്പത് വർഷം പ്രിൻസിപ്പലായും ശൈഖുൽ ഹദീസ് (പ്രവാചക വചനങ്ങളുടെ അതി പണ്ഡിതൻ)ആയും സേവനം അനുഷ്ഠിച്ചിട്ടുണ്ട്. ആലുവയിൽ സ്വകാര്യ ആശുപത്രിയിൽ ചികിത്സയിലായിരുന്നു. ഭാര്യമാർ: റൈഹാനത്ത്, പരേതയായ ഹലീമ. മക്കൾ: സ്വാലിഹ, ഷമി, സംഹ, മുഹമ്മദ് യൂസഫ് മൗലവി, അബ്ദുൾ റഷീദ് മൗലവി, സഊദ്. മരുമക്കൾ: ഈസാ മൗലവി, അബ്ദുൾ നാസർ മൗലവി, തസ്നി, ഫാത്തിമ. കബറടക്കം ഇന്ന് രാവിലെ 9 ന് കുലശേഖരപതി കശ്ശാഫുൽ ഉലും അറബിക് കോളേജ് അങ്കണത്തിൽ നടക്കും.