ആനന്ദ്: ഗുജറാത്ത് കോ-ഓ‌‌‌‌‌‌‌‌പ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ(ജി.സി.എം.എം.എഫ്) ഗൂഗിളിനെതിരെ നോട്ടീസ് നൽകി. അമുലിന്റെ പേരിൽ വ്യാജ പരസ്യങ്ങൾ നൽകിയതിനാണ് നോട്ടീസ് നൽകിയിത്. ഗൂഗിളിനു പുറമെ സ്വകാര്യ വെബ്സൈറ്റ് സേവനദാതാക്കളായ ഗോ ഡാഡി.കോമിനെതിരെയും അമുൽ നോട്ടീസ് നൽകിയിട്ടുണ്ട്.
അമുലിന്റെ ഡീലർഷിപ്പ് വാഗ്ദാനം ചെയ്തുള്ള വ്യാജ പരസ്യങ്ങളാണ് ഗൂഗിളിൽ പ്രത്യക്ഷപ്പെട്ടത്. മൂന്ന് മുതൽ അഞ്ച് ലക്ഷം രൂപയ്‌ക്ക് വരെ ഡീലർഷിപ്പ് നൽകുമെന്നായിരുന്നു പരസ്യത്തിലെ വാഗ്ദാനം. പരസ്യങ്ങൾ ശ്രദ്ധയിൽപ്പെട്ടതിന് തുടർന്ന് ഉപഭോക്താക്കൾ സമീപിച്ചതിന്റെ അടിസ്ഥാനത്തിൽ ഗൂഗിളിനെതിരെ പരാതി നൽകുകയായിരുന്നുവെന്ന് ജി.സി.എം.എം.എഫ് മാനേജിംഗ് ഡയറക്ടർ ആർ.എസ് സോദി പറഞ്ഞു.
ഇതുമായി ബന്ധപ്പെട്ട് ഗുജറാത്ത് സൈബർ സെല്ലിലും പരാതി നൽകിയിട്ടുണ്ടെന്ന് അമുൽ വ്യക്തമാക്കി. ജനുവരി 10നാണ് ഗൂഗിളിനെതിരെ അമുൽ പരാതി നൽകിയിരിക്കുന്നത്. പരാതി ലഭിച്ച വിവരം ഗുജറാത്ത് സൈബർ സെല്ലും സ്ഥിരീകരിച്ചിട്ടുണ്ട്.