കൊച്ചി: ഫെഡറൽ ബാങ്ക് നടപ്പു സാമ്പത്തിക വർഷത്തെ മൂന്നാംപാദത്തിൽ (ഒക്‌ടോബർ-ഡിസംബർ) 28 ശതമാനം വർദ്ധനയോടെ 333.63 കോടി രൂപയുടെ ലാഭം രേഖപ്പെടുത്തി. 2017ലെ സമാനപാദത്തിൽ ലാഭം 260 കോടി രൂപയായിരുന്നു. പ്രവർത്തനലാഭം 26.08 ശതമാനം ഉയർന്ന് 707.83 കോടി രൂപയായി. മൊത്തം ബിസിനസ് 23.46 ശതമാനം വർദ്ധിച്ച് 2.29 ലക്ഷം കോടി രൂപയിലെത്തി. ബാങ്കിന്റെ മൊത്തം നിഷ്‌ക്രിയ ആസ്‌തി 3.11 ശതമാനത്തിൽ നിന്ന് 3.14 ശതമാനത്തിലേക്ക് ഉയർന്നു. അറ്റ നിഷ്‌ക്രിയ ആസ്‌തി 1.78 ശതമാനത്തിൽ നിന്ന് 1.72 ശതമാനത്തിലേക്ക് താഴ്‌ന്നതും ബാങ്കിന് നേട്ടമായി.