ലക്‌നൗ: ബി.എസ്.പി(ബഹുജൻ സമാജ് പാർട്ടി)നേതാവ് മായാവതിക്കെതിരെ രൂക്ഷ വിമർശനവുമായി ബി.ജെ.പിയുടെ ഉത്തർപ്രദേശിലെ എം.എൽ.എ. സാദന സിംഗ് രംഗത്തെത്തി. 'മായവാതി സ്ത്രീയും പുരുഷനുമല്ല' എന്നായിരുന്നു പ്രസംഗത്തിനിടെ സാദന സിംഗ് പറഞ്ഞത്. ഒപ്പം 'അവർ അന്തസില്ലാത്ത സ്ത്രീയാണ്, മാന്യതയുമില്ല' എന്നും മായാവതിയെ കുറ്റപ്പെടുത്തി. അധികാരത്തിന് വേണ്ടി സ്വന്തം മാനം പോലും വിൽക്കാൻ പോലും മായാവതി തയ്യാറാകുമെന്നും അവർ കൂട്ടിച്ചേർത്തു. കർഷകർക്കായി സംഘടിപ്പിച്ച കുംഭ് അഭിയാൻ പരിപാടിയിലായിരുന്നു സാദനയുടെ പരാമർശം. മായാവതി അപമാനമാണെന്നും അവർ പൊതുയോഗത്തിൽ തുറന്നടിച്ചിരുന്നു.

#WATCH:BJP MLA Sadhna Singh says about BSP chief Mayawati, "jis din mahila ka blouse, petticoat, saari phat jaaye, wo mahila na satta ke liye aage aati hai. Usko pure desh ki mahila kalankit maanti hai.Wo to kinnar se bhi jyada badtar hai, kyunki wo to na nar hai, na mahila hai." pic.twitter.com/w3Cdizd8eR

— ANI UP (@ANINewsUP) January 19, 2019

'അവർ സ്ത്രീയുമല്ല പുരുഷനുമല്ല. കണ്ടാൽ ആർക്കും തിരിച്ചറിയാനാകില്ല. ഇവരെപ്പോലെയുള്ളവർ മുഴുവൻ സ്ത്രീകൾക്കും മാനക്കേടാണ്'. ബി.ജെ.പി.നേതാവ് പങ്കജ് സിംഗ് വേദിയിലിരിക്കെയായിരുന്നു സാദനയുടെ അധിക്ഷേപ പരാമർശം. പ്രസംഗത്തിലുടനീളം അവർ മായാവതിയെ കുറ്റപ്പെടുത്തിയാണ് സംസാരിച്ചത്. അധിക്ഷേപം അതിരുകടന്നപ്പോഴും വേദിയിലുണ്ടായിരുന്ന ആരും സാദനയെ തടഞ്ഞിരുന്നില്ല.