തിരുവനന്തപുരം: ഈ വർഷത്തെ എസ്.എസ്.എൽ.സി പരീക്ഷകൾ മാർച്ച് 13ന് തുടങ്ങി, 28ന് അവസാനിക്കും.27വരെ
നടത്താനായിരുന്നു മുൻതീരുമാനം. ഗണിതശാസ്ത്രം പരീക്ഷയ്ക്ക് തയ്യാറെടുക്കുന്നതിന് ഒരു ദിവസത്തെ ഇടവേള കിട്ടും.
ടൈം ടേബിൾ:
മാർച്ച് 13-ഒന്നാം ഭാഷ -പാർട്ട് ഒന്ന്
14-ഒന്നാം ഭാഷ-പാർട്ട് രണ്ട്
18-ഊർജ്ജതന്ത്രം
19-രസതന്ത്രം
20-ഇംഗ്ളീഷ്
21-ഹിന്ദി
25-സോഷ്യൽ സയൻസ്
27-ഗണിതശാസ്ത്രം
28-ജീവശാസ്ത്രം
മോഡൽ പരീക്ഷ:
എസ്.എസ്.എൽ.സി,ഹയർ സെക്കൻഡറി മോഡൽ പരീക്ഷകൾ ഫെബ്രുവരി 18 മുതൽ 27 വരെ നടത്തും.
സ്കൂൾ പരീക്ഷകൾ:
ഹൈസ്കൂൾ ഫൈനൽ പരീക്ഷ മാർച്ച് 6 മുതൽ 29 വരെ നടത്തും.പ്രൈമറി തലത്തിലെ പരീക്ഷാ തിയതികളിൽ അന്തിമ തീരുമാനമായില്ല.
പഠനോത്സവം:
കുട്ടികളുടെ പഠന മികവുകൾ രക്ഷിതാക്കളുടെയും മറ്റും സാന്നിദ്ധ്യത്തിൽ പ്രകടിപ്പിക്കുന്നതിനുള്ള
പഠനോത്സവം ജനുവരി 26നും ഫെബ്രുവരി 15നും ഇടയ്ക്ക് നടത്തും.അഡിഷണൽ ഡി.പി.ഐ ജെസി ജോസഫിന്റെ അദ്ധ്യക്ഷതയിൽ ചേർന്ന യോഗത്തിൽ അദ്ധ്യാപക സംഘടനാ നേതാക്കളായ കെ.സി.ഹരികൃഷ്ണൻ, എൻ.ശ്രീകുമാർ, അജിത്, എ.കെ.സൈനുദ്ദീൻ എന്നിവരും പങ്കെടുത്തു.