ബോളിവുഡ് താരം പ്രിയങ്ക ചോപ്രയുടെ ഫാഷൻ സ്റ്റേറ്റ്മെന്റുകൾ സോഷ്യൽ മീഡിയയിൽ എപ്പോഴും തംഗം തീ‌ർക്കാറുണ്ട്. 3.61 ലക്ഷം വില വരുന്ന ബാഗും അരലക്ഷത്തിലേറെ വില വരുന്ന ഷൂസും ഒക്കെ പ്രിയങ്കയെ വാർത്താതാരമാക്കിയിരുന്നു,​ എന്നാൽ ഇപ്പോൾ 36 ലക്ഷത്തിന്റെ ഒരു ജാക്കറ്റിനെക്കുറിച്ചുള്ള വാർത്തയാമ് പ്രിയങ്കയെ വീണ്ടും ശ്രദ്ധാകേന്ദ്രമാക്കുന്നത്.

തന്റെ വളർത്തുനായയ്ക്ക് വേണ്ടിയാണ് 36 ലക്ഷം രൂപയുടെ ജാക്കറ്റ് പ്രിയങ്ക ചേപ്ര വാങ്ങിയത്. ജാക്കറ്റ് ധരിച്ച നായയുടെ ചിത്രം ഇന്‍സ്റ്റഗ്രാമിലാണ് പ്രിയങ്ക പോസ്റ്റ് ചെയ്തിരിക്കുന്നത്. വിശേഷപ്പെട്ട ജാക്കറ്റ് ധരിച്ചാണ് ഡയാന ചോപ്ര കിടക്കയില്‍ കിടന്നിരിക്കുന്നത്. പ്രിയങ്കയുടെ സ്റ്റൈലിസ്റ്റായ മിമി കട്രെലാണ് ഇത് തയ്യാറാക്കിയിരിക്കുന്നത്. എന്നാൽ പ്രിയങ്കയുടെ പട്ടി ധരിച്ച ജാക്കറ്റിന്റെ വിലയാണ് ആരാധകരെ ഞെട്ടിച്ചത്.

51,654 അമേരിക്കൻ ഡോളറാണ് ഇതിന്റെ വില. അതായത് നമ്മുടെ 36,83000 രൂപ. ചിത്രം പോസ്റ്റ് ചെയ്തതോടെ പ്രതികരണവുമായി ആരാധകരും രംഗത്തെത്തിയിട്ടുണ്ട്. ചിലർ പ്രിയങ്കയെ വിമർശിച്ചും രംഗത്തെത്തി. ഇന്ത്യ പോലെ പട്ടിണിക്കാർ ഒരുപാടുളള രാജ്യത്ത് 36 ലക്ഷം രൂപയുടെ ജാക്കറ്റ് പട്ടിക്ക് വാങ്ങി നല്‍കിയത് ശരിയായില്ലെന്നാണ് വാദം.