ഗുരുഗ്രാം: ഹരിയാനയിലെ ഗുരുഗ്രാമിനടുത്ത് ഇന്ന് രാവിലെ അഞ്ച് മണിയോടെ തകർന്ന് വീണ നാല് നില കെട്ടിടത്തിന്റെ അവശിഷ്‌ടങ്ങൾക്കുള്ളിൽ എട്ടോളം പേർ കുടുങ്ങിക്കിടക്കുന്നു. ഇവരെ പുറത്തെടുക്കുന്നതിനായി ഹരിയാന പൊലീസ്, അഗ്നിരക്ഷാ സേന, ദേശീയ ദുരന്ത നിവാരണ സേന തുടങ്ങിയവരുടെ നേതൃത്വത്തിൽ രക്ഷാപ്രവർത്തനം പുരോഗമിക്കുകയാണ്. ഇവർ കുടുങ്ങിക്കിടക്കുന്ന സ്ഥലത്തെ അവശിഷ്‌ടങ്ങൾ ബുൽഡോസർ ഉപയോഗിച്ച് മാറ്റുന്ന ജോലിയാണ് ഇപ്പോൾ നടക്കുന്നത്. എട്ട് പേരെയും ഇതുവരെ കണ്ടെത്താനായിട്ടില്ലെന്നാണ് വിവരം.

അതേസമയം, ഗുരുഗ്രാമിലെ സൈബർ ഹബ്ബിൽ നിന്നും 12 കിലോമീറ്റർ ദൂരത്തിൽ സ്ഥിതി ചെയ്യുന്ന ഉല്ലാവാസിലെ കെട്ടിടം എങ്ങനെയാണ് തകർന്നത് എന്നതിനെക്കുറിച്ച് ഇതുവരെ വ്യക്തതയില്ല.