ന്യൂഡൽഹി: ലോക്സഭാ തിരഞ്ഞെടുപ്പിൽ എൻ.‌ഡി.എക്ക് മുൻതൂക്കം ലഭിക്കുമെന്ന് എ.ബി.പി.സീ വോട്ടേഴ്സ് സർവെ ഫലം. എന്നാൽ കേവല ഭൂരിപക്ഷം ഇരു സഖ്യത്തിനും ലഭിക്കില്ലെന്നും സർവേയിൽ വ്യക്തമാക്കുന്നു. എൻ.ഡി.എക്ക് 237 സീറ്റുകളാണ് ലഭിക്കുക. യു.പി.എയ്ക്ക് 166,​ മറ്റുള്ളവർക്ക് 143 സീറ്റ് ലഭിക്കുമെന്നും സർവെ ഫലം വ്യക്തമാക്കുന്നു.

ഉത്തർപ്രദേശിൽ ബി.ജെ.പിക്ക് കനത്ത തിരിച്ചടിയുണ്ടാകുമെന്ന് സർവെ ഫലം വ്യക്തമാക്കുന്നു. യു.പിയിൽ എസ്.പി- ബി.എസ്‌.പി സഖ്യം 51 സീറ്റുകൾ ലഭിച്ച് ആധികാരത്തിലേറുമെന്നും ഫലം വ്യക്തമാക്കുന്നു. ബി.ജെ.പിക്ക് 25 സീറ്റ് ലഭിക്കുമ്പോൾ കോൺഗ്രസ് 4 സീറ്റിൽ ഒതുങ്ങുന്നു. വടക്ക് കിഴക്കൻ സംസ്ഥാനങ്ങളിൽ എൻ.‌ഡി.എ 14 സീറ്റും യു.പി.എ 12 സീറ്റും നേടുമെന്ന് പ്രവചനം.

മഹാരാഷ്ട്രയിൽ കോൺഗ്രസ് - എൻ.സി.പി സഖ്യം 28 സീറ്റ് നേടും. ബി.ജെ.പി 20 സീറ്റിലൊതുങ്ങുമെന്നും സർവെ ഫലം വ്യക്തമാക്കുന്നു. എന്നാൽ ബീഹാറിലും ഗുജറാത്തിലും എൻ.ഡി.എ സഖ്യം വിജയിക്കും. ഗുജറാത്തിൽ ബി.ജെ.പിക്ക് 24സീറ്റ് ലഭിക്കുമ്പോൾ കോൺഗ്രസിന് 2 സീറ്റ് ലഭിക്കും. ബിഹാറിൽ എൻ.ഡി.എയ്ക്ക് 35 സീറ്റ് ലഭിക്കുമെന്നും യു.പി.എയ്ക്ക് ലഭിക്കുക 5 സീറ്റ് മാത്രമായിരിക്കുമെന്നുമാണ് പ്രവചനം.

ബംഗാളിൽ തൃണമൂൽ കോൺഗ്രസിന് 34 സീറ്റും ബി ജെ പിക്ക് 7 സീറ്റും ലഭിക്കും. സി.പി.എമ്മിന് സീറ്റ് ലഭിക്കുന്നില്ല. കേരളത്തിൽ യു.ഡി.എഫ് മുന്നേറുമെന്നും സീ വോട്ടേഴ്സ് സർവെ. 16 സീറ്റ് യു.ഡി.എഫിന് ലഭിക്കുക. എൽ.ഡി.എഫിന് 4 സീറ്റ് മാത്രമാണ് ലഭിക്കുകയെന്നും സ‌ർവെ വ്യക്തമാക്കുന്നു.

ഒഡിഷയിൽ ബി.ജെ.പിക്ക് 12 സീറ്റും ബിജു ജനതാദളിന് 9 സീറ്റും ലഭിക്കും.രാജസ്ഥാനില്‍ ബി.ജെ.പി 18,​കോൺഗ്രസ് 7. പഞ്ചാബിൽ കോൺഗ്രസ് 12,​ ബി.ജെ.പി ഒരു സീറ്റും നേടുമെന്നും സർവെ ഫലം വ്യക്തമാക്കുന്നു.