അലാസ്‌ക: അമേരിക്കയിലെ വടക്കേ അറ്റത്തുള്ള പ്രദേശമായ അലാസ്‌കയിൽ സൂര്യോദയം നടന്നത് 66 ദിവസങ്ങൾക്കു ശേഷം. 2018 നവംബർ 18ന് അസ്തമിച്ച സൂര്യനാണ് ജനുവരി 23ന് ഉച്ചയ്ക്ക് 1.04ന് വീണ്ടും ഉദിച്ചത്. രണ്ടുമാസത്തിലധികം നീണ്ടുനിന്ന ഇരുട്ടിന്റെ കമ്പിളിപുതപ്പു മാറ്രിയാണ് സൂര്യൻ അലാസ്കയിൽ വെളിച്ചമായി നിറഞ്ഞത്.

എന്നാൽ ഉച്ചയ്ക്ക് 1.04ന് ഉദിച്ച സൂര്യൻ ഒരു മണിക്കൂർ പിന്നിട്ട് 2.14ന് അസ്തമിച്ചു. മൈനസ് എട്ട് ഡിഗ്രി സെൽഷ്യസായിരുന്നു സൂര്യോദയ സമയത്തെ താപനില. ഇവിടെ ഇനിയുള്ള ദിവസങ്ങളിൽ പകലിന്റെ ദൈർഘ്യം കൂടുതലായിരിക്കും. ഈ പ്രവണത മേയ് 12 വരെ തുടരും. പിന്നീട് സൂര്യൻ ഓഗസ്റ്റ് രണ്ട് വരെ അസ്തമിക്കില്ല.

4300 പേർ മാത്രമാണ് അലാസ്‌കയിലെ ഈ പ്രദേശത്ത് താമസിക്കുന്നത്. ഫെബ്രുവരിയോടെ ദിവസവും ശരാശരി നാലു മണിക്കൂര്‍ സൂര്യപ്രകാശം ലഭിക്കും. ഈയാഴ്ച ഇടയ്ക്കിടയ്ക്ക് സൂര്യപ്രകാശം കാണാനാവുമെങ്കിലും ശരാശരി താപനില മൈനസ് 10ന് താഴെ തന്നെയായിരിക്കും.