നമ്മുടെ വീടിന്റെ അടുക്കളയിൽ വളരെ വിരളമായി കാണുന്ന ഒരു വിഭവമാണ് പിസ. ഉണ്ടാക്കുന്നതിനുള്ള പ്രയാസം തന്നെയാണ് അടുക്കളയിൽ പിസക്ക് അത്ര വലിയ ഒന്നും ലഭിക്കാത്തത്. എന്നാൽ നമ്മുടെ വീട്ടിലുണ്ടാക്കുന്ന ദോശയിൽ പിസ ഒന്നു പരീക്ഷിച്ചു നോക്കിയാലോ?​ സൂപ്പറായിരിക്കും. വിപണിയിൽ ലഭിക്കുന്ന ചില ചേരുവകൾ ചേർത്ത് നമുക്ക് ഈസിയായി ദോശയിൽ പിസയുണ്ടാക്കം. അതിന് ആവശ്യമായ ചേരുവകൾ പരിചയപ്പെടാം.

ചേരുവകൾ

1,​ കട്ടിയുള്ള ദോശമാവ് - ഒരു കപ്പ്.

2. ഫില്ലിംഗിന്

#ബട്ടൺ കൂൺ വഴറ്റിയത് – കാൽ കപ്പ്

(ബട്ടറും ഉപ്പും ചേർത്ത്)

#കാരറ്റ് ഗ്രേറ്റ്‌ ചെയ്തത് – 1 ടേബിൾ സ്പൂൺ

# കാപ്സിക്കം ചെറുതായി കനം കുറച്ച് അരിഞ്ഞത് – 1 ടേബിൾ സ്പൂൺ

# സവാള ചെറുതായി കനം കുറച്ച് അരിഞ്ഞത് – 1 ടേബിൾ സ്പൂൺ

# മല്ലിയില പൊടിയായി അരിഞ്ഞത് – 1 ടീസ്പൂൺ

#കുരുമുളകുപൊടി – ആവശ്യത്തിന്

3. ചീസ് ഗ്രേറ്റ്‌ ചെയ്തത് – ടോപ്പിംഗിന്

തയാറാക്കുന്ന വിധം;

രണ്ടാമത്തെ ചേരുവകൾ വെണ്ണ ചേർത്ത് വഴറ്റിയെടുക്കുക. തവയിൽ ദോശമാവ് കനത്തിൽ പരത്തിക്കഴിഞ്ഞ് മുകളിൽ കൂൺ മിശ്രിതം നിരത്തുക. ശേഷം ചീസ് വിതറി ചെറുതീയിൽ ദോശ അടച്ചുവച്ച വേവിച്ചെടുക്കുക. ദോശ തിരിച്ചിടരുത്.