റിയാദ്:സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽമാ​ൽ പ്ര​ഥ​മ ഇ​ന്ത്യാ സ​ന്ദ​ർ​ശ​ന​ത്തി​നായി അടുത്ത മാസം എത്തുന്നു. ഇന്ത്യയടക്കമുളള രാജ്യങ്ങളുമായി നിക്ഷേപ സഹകരണ ബന്ധം ഊഷ്മളമാക്കലാണ് സന്ദർശനത്തിന്റെ പ്രധാന ലക്ഷ്യം. യാത്ര സംബന്ധിച്ച് ഒൗദ്യോഗിക പ്രഖ്യാപനം സൗദി ഇതുവരെ നടത്തിയിട്ടില്ല. സന്ദർശന തീയ്യതി ഉടനെ പ്രഖ്യാപിക്കും.

ഏഷ്യൻ രാജ്യങ്ങളിലെ സന്ദർശനത്തിന്റെ ഭാഗമായാണ് അദ്ദേഹം ഇന്ത്യയിലെത്തുന്നത്. ഇ​ന്ത്യയെ കൂ​ടാ​തെ, പാ​കി​സ്ഥാ​ൻ, ചൈ​ന, ജ​പ്പാ​ൻ, ദ​ക്ഷി​ണ കൊ​റി​യ തു​ട​ങ്ങി​യ രാജ്യങ്ങളിലും സന്ദർശനം നടത്തുന്നുണ്ടെന്നും സ്ഥീതീകരിക്കാത്ത റിപ്പോർട്ടുകളുണ്ട്. ജൂ​ണി​ൽ ജ​പ്പാ​നി​ൽ ജി 20 ​ഉ​ച്ച​കോ​ടി ന​ട​ക്കു​ന്നു​ണ്ട്. ഇ​തി​നു മു​ന്നോ​ടി​യാ​യാ​ണ് മു​ഹ​മ്മ​ദ് ബി​ൻ സ​ൽ​മാ​ന്റെ സ​ന്ദ​ർ​ശ​ന​മെ​ന്നും ക​രു​ത​പ്പെ​ടു​ന്നു.

സൗദിയും ഇന്ത്യയും തമ്മിലുള്ള നയതന്ത്ര ബന്ധവും നിക്ഷേപക സൗഹൃദവും വളർത്തലാണ് സന്ദർശനത്തിന്റെ ലക്ഷ്യം. നവംബറിൽ നടന്ന ജി 20 ഉച്ചകോടിയിൽ പ്രധാനമന്ത്രി നരേന്ദ്രമോദിയും സൗദി കിരീടാവകാശിയും കൂടിക്കാഴ്ച നടന്നിരുന്നു.