തിരുവനന്തപുരം: ബോട്ടിലേക്ക് ജനങ്ങൾക്ക് കയറാൻ സ്വന്തം ചുമൽ നൽകിയ ജെയ്സൽ, വെള്ളത്തിൽ നിന്ന് ഇരുകാലും പൊട്ടിയിട്ടും നൂറ്റമ്പതോളം ജീവനുകളെ രക്ഷിച്ച ആന്റണിച്ചേട്ടൻ,​ കേരളം പ്രളയത്തിൽ മുങ്ങിയപ്പോൾ കൈപിടിച്ചുയർത്തിയ നമ്മുടെ സ്വന്തം സൈന്യമായവരാണിവർ. 2019 ബഡ്ജറ്റിൽ ഇവരടങ്ങിയ മത്സ്യത്തൊഴിലാളികളെ സർക്കാർ മറന്നില്ല. ഇന്ന് നിയമസഭയിൽ ധനമന്ത്രി തോമസ് ഐസക് ഈ വർഷത്തെ ബഡ്ജറ്റ് അവതരിപ്പിച്ചപ്പോൾ വൻ പദ്ധതികളാണ് പ്രഖ്യാപിച്ചിരിക്കുന്നത്.

തീരദേശത്തിനായി സർക്കാർ പ്രഖ്യാപിച്ച പ്രധാനപദ്ധതികൾ

# തീരദേശ മേഖലയ്ക്കായി 1000 കോടി രൂപ.

# കടലാക്രമണത്തിൽ നിന്നും മാറിത്താമസിക്കുന്ന കുടുംങ്ങൾക്ക് വീട് നിർമ്മിക്കാൻ പത്ത് ലക്ഷം രൂപ.

# പൊഴിയൂരിൽ മത്സ്യബന്ധന തുറമുഖം.

# സംസ്ഥാനത്ത് പുതിയ ഹാർബറുകൾ.

# മത്സ്യത്തൊഴിലാളികൾക്ക് പലിശരഹിത വായ്പ.

# കൊല്ലത്ത് ബോട്ട് നിർമ്മാണ യാർഡ്.