ചെങ്ങന്നൂർ: ഹർത്താലിന്റെ മറവിൽ പാണ്ടനാട്ടിൽ അരങ്ങേറിയ സംഘട്ടനത്തിൽ ഉൾപ്പെട്ട നാലു സംഘപരിവാർ പ്രവർത്തകർ അറ​സ്റ്റിൽ. പാണ്ടനാട് പാലച്ചുവട്ടിൽ രാമചന്ദ്രന്റെ മകൻ രാജീവ് (30), കൊട്ടാരത്തിൽ തകടിയിൽ മഹേഷ് (24), ചെറുവല്ലൂർ ഇല്ലത്തിൽ ശ്രീകുമാർ (30), പാലച്ചു​വട്ടിൽ (നന്ദനം) പ്രശാന്ത് (40) എന്നിവരെയാണ് അറസ്റ്റ് ചെയ്തത്. പാണ്ടനാട് ആർ.കെ സ്​കൂളിന് സമീപം ഹർത്താൽ അനുകൂലികളും ഡി.വൈ.എഫ്.ഐ പ്രവർത്തകരും തമ്മിൽ ഏറ്റുമുട്ടുകയായിരുന്നു. സംഘർഷത്തിൽ ഡി.വൈ.എഫ്.ഐ പ്രവർത്തകരായ പരുമല മണലേൽ പി.പ്രദീപ് (23), മണലേൽ സുബിൻ (24), സംഘപരിവാർ പ്രവർത്തകരായ പാലചുവട്ടിൽ രാജീവ് (30), ജിഷ്ണു, കെ.വി അനു എന്നിവർക്ക് പരിക്കേറ്റിരുന്നു. ഈ സംഭവത്തിലാണ് നാല് പേരുടെ അ​റസ്റ്റ്.

തിരുവൻവണ്ടൂരിൽ നടന്ന സംഘട്ടനത്തിൽ ഇന്നലെ വൈകിയും ആരുടെയും അറസ്റ്റ് രേഖപ്പെടുത്തിയട്ടില്ല. ഹർത്താലിനെ തുടർന്ന് സി.പി.എം പ്രവർത്തകർ നടത്തിയ പ്രകടനത്തിനിടെ ബി.ജെ.പി, ​സംഘ പരിവാർ പ്രവർത്തകരുമായായിരുന്നു സംഘർഷം. സി.പി.എം ലോക്കൽ കമ്മിറ്റി സെക്രട്ടറി ഷിജു, വി. ഷാജിമോൻ, ഡോ. ദീപു ദിവാക​രൻ, സുരേഷ് കു​മാർ, രെജീഷ്, സ്‌​നെൽ സജി, സജി കുര്യാക്കോസ്, എബ്സൺ എന്നിവർക്കാണ് പരിക്കേറ്റത്. തിരുവൻവണ്ടൂർ സംഭവുമായി ബന്ധപ്പെട്ട് ഇരു വിഭാഗങ്ങളിലെയും പ്രവർത്തകരെ ചോദ്യം ചെയ്യാനായി കസ്റ്റഡിയിൽ എടുത്തതായി പൊലീസ് പറ​ഞ്ഞു.