ഏഴം​കുളം : ശാരീ​രിക അവ​ശ​ത​കൾ മറന്ന് സൗഹൃദം പങ്ക് വച്ച് മുതിർന്ന പൗര​ന്മാർ തൊടു​വ​ക്കാട്ട് സംഗ​മി​ച്ചു. ഏഴം​കുളം ഗ്രാമ​പ​ഞ്ചാ​യത്ത് മൂന്നാം വാർഡ് വിക​സ​ന​സ​മി​തി​യും സാമൂ​ഹ്യ​നീ​തി​വ​കുപ്പും ചേർന്ന് സംഘ​ടി​പ്പിച്ച വയോ​ജന സംഗ​മ​മാണ് മുതിർന്ന പൗര​ന്മാ​രുടെ പങ്കാ​ളി​ത്തം​കൊണ്ട് വ്യത്യ​സ്ഥ​മാ​യി. വയോ​ജന സൗഹൃദ ഗ്രാമം എന്ന ലക്ഷ്യ​ത്തി​ലെ​ത്തു​ന്നതിന് മന്നോ​ടി​യാ​യി​ട്ടാണ് തൊടു​വ​ക്കാട് ഓഡി​റ്റോ​റി​യ​ത്തിൽ പരി​പാടി സംഘ​ടി​പ്പി​ച്ച​ത്. വാർദ്ധ​ക്യ​ത്തിലെ ഒറ്റ​പെ​ടലും രോഗ​ങ്ങളും മൂലം നിര​വ​ധി​പ്പേ​രാണ് ജീവിതം തള്ളി​നീ​ക്കു​ന്നത്. ഇവർക്ക് ആശ്വാസമേകുന്ന പ്രവർത്ത​ന​ങ്ങൾ തുടർന്ന് നട​പ്പി​ലാ​ക്കു​ക​യെ​ന്ന​താണ് പരി​പാ​ടി​കൊണ്ട് ലക്ഷ്യം വയ്ക്കു​ന്ന​ത്. ഇതിന് മന്നോ​ടി​യായി സംഘ​ടി​പ്പിച്ച വയോ​ജ​ന​സം​ഗ​മ​ത്തിൽ വാർഡിൽ നിന്നും ഇരു​നൂ​റി​ല​ധികം മുതിർന്ന അംഗ​ങ്ങൾ പങ്കെ​ടു​ത്തു. പരി​പാടി സാമൂ​ഹ്യ​നീ​തി​വ​കുപ്പ് ജില്ലാ ഓഫീ​സർ എൽ. ഷീബ ഉദ്ഘാ​ടനം ചെയ്തു. വാർഡു​മെ​മ്പർ വിജു​രാ​ധാ​കൃ​ഷ്ണൻ അദ്ധ്യ​ക്ഷ​നായി. സീനി​യർ സിറ്റി​സൺസ് ഫോറം ഉദ്ഘാ​ടനം പറ​ക്കോട് ബ്ലോക്ക് പഞ്ചാ​യത്ത് വിക​സ​ന​കാര്യ സ്റ്റാന്റിംഗ് കമ്മിറ്റി ചെയർമാൻ അഡ്വ.സി. പ്രകാശ് നിർവ​ഹിച്ചു. ഗ്രാമ​പ​ഞ്ചാ​യത്ത് അംഗം മഞ്ചു​ ബി​ജു, ആസൂ​ത്ര​ണ​സ​മി​തി​യംഗം എസ്.​സി.ബോസ്, വാർഡ് വിക​സന സമിതി കൺവീ​നർ പി.​കെ.ഡാനി​യേൽ, തൊടു​വ​ക്കാട് അംഗൻ​വാടി വർക്കർ ഗിരി​ജ​ദേ​വി, സി.​ഡി.​എസ് അംഗം അജിതാ സുധാ​ക​രൻ, എ.​ഡി.​എസ് സെക്ര​ട്ടറി സുനന്ദ പര​ശു​റാം എന്നി​വർ സംസാ​രി​ച്ചു. സീനി​യർ സിറ്റി​സൺസ് ഫോറ​ത്തിന്റെ പ്രസി​ഡന്റായി പി.​കെ.​ഡാ​നി​യേ​ലി​നെയും സെക്ര​ട്ട​റി​യായി രാജ​നെയും ട്രഷ​ർ ആയി തങ്ക​ച്ചൻ കക്കാ​ടി​നെയും തെര​ഞ്ഞെ​ടു​ത്തു. വാർഡിലെ മുതിർന്ന പൗരൻമാ​രുടെ നില​വി​ലുള്ള അവസ്ഥ പഠി​ക്കു​ന്ന​തി​നു​വേണ്ടി സർവേ നട​ത്തു​വാ​നും യോഗം തീരു​മാ​നി​ച്ചു. ഏഴം​കുളം ഗ്രാമ​പ​ഞ്ചാ​യത്ത് ഗവ:ആയൂർവേദ ഡിസ്‌പെൻസറി മെഡി​ക്കൽ ഓഫീ​സർ ഡോ.ഷൈമ യുസഫിന്റെ നേതൃ​ത്വ​ത്തിൽ മെഡി​ക്കൽ ക്യാമ്പും ഇതോ​ടൊപ്പം സംഘ​ടി​പ്പി​ച്ച് മരു​ന്നു​കളും വിത​രണം ചെയ്തു.