മാരാ​മൺ : മാർത്തോമ്മ സുവിശേഷ സേവികാസംഘത്തിന്റ ഒരു വർഷം നീണ്ടു നിന്ന ശതാബ്ദി ആഘോഷങ്ങൾ ഫെബ്രുവരി 9ന് മാരാമൺ മണൽപ്പുറത്ത് നടക്കുന്ന ലോക മാർത്തോമ്മ വനിതാ സംഗമത്തോടെ സമാപിക്കും. ഒരു ലക്ഷം സ്ത്രീകൾ സംഗമത്തിൽ പങ്കെടുക്കും.

രാവിലെ 10 ന് ആരം​ഭി​ക്കുന്ന സംഗമം സഭ​യുടെ പര​മാ​ദ്ധ്യ​ക്ഷൻ ഡോ. ജോസഫ് മാർത്തോമ്മാ മെത്രാ​പ്പോ​ലീത്താ ഉദ്ഘാ​ടനം ചെയ്യും. ലോക സഭാ​കൗൺസിൽ മോഡ​റേ​റ്റർ ഡോ. ആഗ്നസ് റെജിനാ മ്യൂറൽ ഓബം, ലോക​പ്ര​ശസ്ത സുവി​ശേഷ പ്രസം​ഗ​ക​ൻ ഡോ. സ്റ്റാൻലി ജോൺസിന്റെ ചെറു​മ​കൾ ഡോ. ആൻ മാത്യൂസ് യൂനസ് എന്നി​വർ വിശി​ഷ്ടാ​തി​ഥി​ക​ളാ​യി​രി​ക്കും.
കെനി​യ​ക്കാ​രി​യായ ഡോ. ആഗ്‌നസ് ലോക​സഭാ കൗൺസി​ലി​ന്റെ അദ്ധ്യ​ക്ഷ​യാ​കുന്ന ആദ്യ​വ​നി​തയും ആഫ്രിക്ക​ക്കാ​രി​യു​മാ​ണ്. സേവി​കാ​സംഘം പ്രസി​ഡന്റ് ഡോ. ഏബ്രഹാം മാർ പൗലോസ് എപ്പി​സ്‌കോപ്പാ അദ്ധ്യ​ക്ഷ​നാ​യി​രി​ക്കും.
2018 ഫെബ്രു​വരി 16 ന് മാരാ​മൺ കൺവെൻഷൻ യോഗ​ത്തിലാണ് സേവി​കാ​സം​ഘ​ത്തിന്റെ ഒരു വർഷം നീണ്ട ശതാബ്ദി ആഘോ​ഷ​ങ്ങൾക്ക് തുട​ക്ക​മാ​യ​ത്.

ആഘോ​ഷ​ങ്ങ​ളുടെ ഭാഗ​മായി സാക്ഷ്യ എന്ന പേരിൽ നിരവധി പ്ര​വർത്ത​ന​ങ്ങൾ ആരംഭിച്ചതായി സംഘം പ്രസി​ഡന്റ് ഡോ. ഏബ്രഹാം മാർ പൗലോസ് എപ്പി​സ്‌കോ​പ്പയും ജന​റൽ സെക്ര​ട്ടറി മിനി ജോയ്‌സ് തോമസും വാർത്താ ​സ​മ്മേ​ള​ന​ത്തിൽ അറി​യി​ച്ചു. നിശ​ബ്ദ​രാ​ക്ക​പ്പെട്ട സ്ത്രീക​ളുടെ പുന​ര​ധി​വാ​സ​ത്തിനും ക്ഷേമ​ത്തിനും ഊന്നൽ നൽകു​ന്ന​താ​യി​രു​ന്നു പ്രധാന ശതാബ്ദി പ്രൊജ​ക്ടു​കൾ.